ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

ສານອວຍພອນ

         ສະຫາຍ ກິມ ເຈິງ ອຸນ, ປະທານພັກແຮງງານເກົາຫຼີ ໄດ້ສົ່ງສານອວຍພອນເຖິງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ຊຶ່ງມີເນື້ອໃນວ່າ:

          ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 63 ປີ, ຂ້າພະເຈົ້າຂໍສົ່ງຄຳຊົມເຊີຍອັນອົບອຸ່ນ ແລະ ຄຳທັກທາຍຖານສະຫາຍ ມາຍັງສະຫາຍ ແລະ ໂດຍຜ່ານຫາຍ ໄປຍັງຄະນະບໍລິຫານງານສູນກາງພັກປະຊາຊົນປະຕິວັດລາວ ແລະ ສະມາຊິກພັກທຸກຖ້ວນໜ້າຂອງພວກສະຫາຍ.

          ຕະຫຼອດໄລຍະ 63 ປີທີ່ຜ່ານມາ, ພັກປະຊາຊົນປະຕິວັດລາວ ໄດ້ຈັດຕັ້ງນຳພາປະຊາຊົນລາວ ແລະ ສ້າງຜົນສຳເລັດອັນໃຫຍ່ຫຼວງໃນການຕໍ່ສູ້ເພື່ອສ້າງລະບອບປະຊາທິປະໄຕປະຊາຊົນ ແລະ ປົກປັກຮັກສາໝາກຜົນຂອງການປະຕິວັດ ແລະ ພັດທະນາປະເທດຊາດໂດຍເປັນເອກະລາດ ແລະ ສ້າງສາປະເທດຊາດໃຫ້ມີຄວາມຈະເລີນວັດທະນາຖາວອນ.

          ໃນໂອກາດນີ້ ຂ້າພະເຈົ້າ ຂໍສະແດງຄວາມເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອລະຫວ່າງສອງພັກ ແລະ ປະຊາຊົນສອງຊາດພວກເຮົາຈະໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ໃນການຕໍ່ສູ້ຮ່ວມກັນເພື່ອສັງຄົມນິຍົມ ແລະ ຂໍອວຍພອນໄຊອັນປະເສີດມາຍັງສະຫາຍ ຈົ່ງມີສຸຂະພາບເຂັ້ມແຂງ ແລະ ພວກສະຫາຍຈົ່ງປະສົບຜົນສຳເລັດອັນຍິ່ງໃຫຍ່ກ່ວາເກົ່າໃນການເຄື່ອນໄຫວເພື່ອປະຕິບັດມະຕິຂອງກອງປະຊຸມໃຫຍ່ ຄັ້ງທີ 10.

                                                            ສານອວຍພອນ

     ສະຫາຍ ຮ່ວງ ບິ່ງ ກວນ, ກຳມະການສູນກາງພັກກອມມູນິດຫວຽດນາມ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ໄດ້ສົ່ງສານອວຍພອນ ເຖິງ ສະຫາຍ ນາງ ສູນທອນ ໄຊຍະຈັກ, ກຳມະການສູນກາງພັກ ປປ ລາວ, ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ຊຶ່ງມີເນື້ອໃນດັ່ງນີ້: 

   ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 63 ປີ (22/3/1955-22/3/2018), ຕາງໜ້າໃຫ້ຄະນະນຳ ແລະ ພະນັກງານ, ສະມາຊິກພັກ ຂອງຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ທຸກຖ້ວນໜ້າ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄວາມຊົມເຊີຍອັນອົບອຸ່ນ, ຄວາມສາມັກຄີຮັກແພງຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງ ສະຫາຍ ແລະ ບັນດາສະຫາຍການນຳ ພ້ອມດ້ວຍພະນັກງານ, ສະມາຊິກພັກ ຂອງຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ທຸກຖ້ວນໜ້າ.
   ຕະຫຼອດໄລຍະ 63 ປີ ຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງ ພັກປະຊາຊົນ ປະຕິວັດລາວ, ປະເທດຊາດ ແລະ ປະຊາຊົນລາວ ອ້າຍນ້ອງ ສາມາດບັນລຸໄດ້ບັນດາຜົນສຳເລັດອັນຍິ່ງໃຫຍ່, ມີຄວາມໝາຍປະຫວັດສາດໃນທຸກໆຂົງເຂດ, ປະກອບສ່ວນຍົກສູງຄວາມເຊື່ອໝັ້ນ ແລະ ບົດບາດຂອງ ລາວ ຢູ່ເວທີສາກົນ. ບັນດາຜົນສຳເລັດນັ້ນ ໄດ້ມີການປະກອບສ່ວນຢ່າງຕັ້ງໜ້າ ແລະ ມີປະສິດທິຜົນ ຂອງຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ.
   ພວກຂ້າພະເຈົ້າ ເຊື່ອໝັ້ນຢ່າງໜັກແໜ້ນວ່າ ພາຍໃຕ້ການນຳພາຂອງ ພັກປະຊາຊົນ ປະຕິວັດລາວ ແລະ ປະສົບການກວ່າ 30 ປີ ແຫ່ງການປ່ຽນແປງໃໝ່, ປະເທດຊາດ ແລະ ປະຊາຊົນລາວ ອ້າຍນ້ອງ ຈະສືບຕໍ່ຍາດໄດ້ບັນດາຜົນສຳເລັດໃໝ່, ໃຫຍ່ຫຼວງກວ່າເກົ່າ ໃນພາລະກິດປ່ຽນແປງໃໝ່, ປະຕິບັດບັນດາຄາດໝາຍຂອງມະຕິກອງປະຊຸມມໃຫຍ່ ຄັ້ງທີ X ຂອງພັກປະຊາຊົນ ປະຕິວັດລາວ; ສ້າງສາປະເທດລາວ ໃຫ້ມີສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມຈຸດໝາຍຂອງສັງຄົມນິຍົມ.
   ພວກຂ້າພະເຈົ້າມີຄວາມປິຕິຊົມຊື່ນທີ່ເຫັນວ່າ ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ-ລາວ ນັບມື້ນັບພັດທະນະເຂົ້າສູ່ລວງເລິກ, ແທດຕົວຈິງ ແລະ ມີປະສິດທິຜົນໃນທຸກໆຂົງເຂດ, ນຳເອົາຜົນປະໂຫຍດໃຫ້ແກ່ປະຊາຊົນສອງຊາດ, ປະກອບສ່ວນຢ່າງຕັ້ງໜ້າ ເພື່ອສັນຕິພາບ, ສະຖຽນລະພາບ ແລະ ພັດທະນາ ຢູພາກພື້ນ ແລະ ໃນໂລກ.
   ເນື່ອງໃນໂອກາດອັນສຳຄັນນີ້, ຂ້າພະເຈົ້າ ຂໍອວຍພອນໃຫ້ສະຫາຍ ແລະ ບັນດາສະຫາຍການນຳ ພ້ອມດ້ວຍພະນັກງານ, ສະມາຊິກພັກ ຂອງຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ທຸກຖ້ວນໜ້າ ຈົ່ງມີສຸຂະພາບ ພາລະນາໄມສົມບູນ, ມີຄວາມຜາສຸກ ແລະ ປະຕິບັດໜ້າທີ່ທີ່ໄດ້ຮັບມອບໝາຍຢ່າງດີ.
   ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ຫວຽດນາມ-ລາວ ຈົ່ງໝັ້ນຄົງຄະນົງແກ່ນ ແລະ ສວຍສົດງົດງາມຕະຫຼອດໄປ./.

                                                                              

ໂທລະເລກອວຍພອນ

ເຖິງ: ຄະນະບໍລິຫານງານສູນກາງພັກກອມມູນິດ ຫວຽດນາມ
                                                                                ທີ່ ນະຄອນຫລວງ ຮ່າໂນ້ຍ

ບັນດາສະຫາຍທີ່ຮັກແພງ.
     ເນື່ອງໃນໂອກາດ ຄົບຮອບ 88 ປີ ແຫ່ງວັນສ້າງຕັ້ງພັກກອມມູນິດ ຫວຽດນາມ (ວັນທີ 3/2/1930 – 3/2/ 2018), ໃນນາມຄະນະບໍລິຫານງານສູນກາງພັກປະຊາຊົນ ປະຕິວັດລາວ ແລະ ປະຊາຊົນລາວບັນດາເຜົ່າໃນທົ່ວປະເທດ, ພວກຂ້າພະເຈົ້າຂໍສົ່ງພອນໄຊອັນປະເສີດ ແລະ ໄມຕີຈິດມິດຕະພາບອັນສະໜິດສະໜົມ ຖານສະຫາຍອ້າຍນ້ອງ ມາຍັງຄະນະບໍລິຫານງານສູນກາງພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ ອ້າຍນ້ອງທຸກຖ້ວນໜ້າ.
     ການກຳເນີດເກີດຂຶ້ນຂອງພັກກອມມູນິດ ຫວຽດນາມ ໂດຍປະທານ ໂຮ່ຈີ່ມິນ ຜູ້ຍິ່ງໃຫຍ່ເປັນຜູ້ສ້າງຕັ້ງ ແລະ ເຝິກຝົນຫຼໍ່ຫຼອມນັ້ນ ແມ່ນບາດລ້ຽວປະຫວັດສາດທີ່ສຳຄັນຍິ່ງຂອງການປະຕິວັດ ຫວຽດນາມ. ນັບແຕ່ມື້ສ້າງຕັ້ງເປັນຕົ້ນມາ, ພັກກອມມູນິດ ຫວຽດນາມ ເປັນຜູ້ຈັດຕັ້ງ ແລະ ນຳພາທຸກໄຊຊະນະຂອງການປະຕິວັດ ຫວຽດນາມ, ນຳພາ ພາລະກິດຕໍ່ສູ້ກູ້ຊາດຈົນໄດ້ຮັບໄຊຊະນະສົມບູນ, ທ້ອນໂຮມປະເທດຊາດ ຫວຽດນາມ ສຳເລັດໃນປີ 1975 ແລະ ສືບຕໍ່ດຳເນີນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມທິດສັງຄົມນິຍົມ ດ້ວຍຜົນສຳເລັດອັນສະຫງ່າງາມ, ໂດຍສະເພາະແມ່ນຜົນສຳເລັດຕະຫຼອດໄລຍະ 30 ກວ່າປີແຫ່ງການປະຕິບັດແນວທາງການປ່ຽນແປງໃໝ່ ອັນໄດ້ເຮັດໃຫ້ປະເທດຊາດ ຫວຽດນາມ ມີສະຖຽນລະພາບໜັກແໜ້ນທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດມີການພັດທະນາດ້ວຍຈັງຫວະໄວ, ໝັ້ນທ່ຽງ ແລະ ຕໍ່ເນື່ອງ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນ ໄດ້ຮັບການຍົກສູງຂຶ້ນຢ່າງເດັ່ນຊັດ; ການປ້ອງກັນຊາດ, ປ້ອງກັນຄວາມສະຫງົບມີຄວາມໜັກແໜ້ນເຂັ້ມແຂງ, ການພົວພັນຕ່າງປະເທດໄດ້ຮັບການເປີດກວ້າງ ເຮັດໃຫ້ບົດບາດ ແລະ ອິດທິພົນຂອງ ສາທາລະນະລັດ ສັງຄົມນິຍົມ ຫວຽດນາມ ນັບມື້ນັບພົ້ນເດັ່ນໃນເວທີພາກພື້ນ ແລະ ສາກົນ.
     ພັກປະຊາຊົນ ປະຕິວັດລາວ ແລະ ປະຊາຊົນລາວ ບັນດາເຜົ່າ ຂໍສະແດງຄວາມຊົມເຊີຍຢ່າງສຸດອົກສຸດໃຈຕໍ່ຜົນ ສຳເລັດ ແລະ ໄຊຊະນະອັນໃຫຍ່ຫຼວງທີ່ ພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ ອ້າຍນ້ອງຍາດມາໄດ້ຕະຫຼອດໄລຍະ 88 ປີທີ່ຜ່ານມາ ແລະ ຖືບັນດາໄຊຊະນະດັ່ງກ່າວເປັນເໝືອນດັ່ງຂອງຕົນເອງ ແລະ ທັງເປັນກຳລັງໃຈອັນແຮງກ້າໃຫ້ແກ່ພວກຂ້າພະເຈົ້າ ໃນພາລະກິດປົກປັກຮັກສາ ແລະ ພັດທະນາປະເທດຊາດຂອງຕົນ. ພວກຂ້າພະເຈົ້າ ເຊື່ອໝັ້ນຢ່າງໜັກແໜ້ນວ່າ, ພາຍໃຕ້ການນຳພາອັນສະຫຼາດສ່ອງໃສ ຂອງພັກກອມມູນິດ ຫວຽດນາມ ອັນມີ ສະຫາຍ ເລຂາທິການໃຫຍ່ ຫງວຽນຟູ້ຈ້ອງ ເປັນຜູ້ນຳໜ້ານັ້ນ, ປະຊາຊົນ ຫວຽດນາມ ອ້າຍນ້ອງ ຈະສືບຕໍ່ຍາດໄດ້ຜົນສຳເລັດໃໝ່ໃຫຍ່ຫຼວງກວ່າເກົ່າ ໃນການສ້າງສາພັດທະນາປະເທດຊາດ ຕາມແນວທາງປ່ຽນແປງໃໝ່, ຈັດຕັ້ງຜັນຂະຫຍາຍມະຕິກອງປະ
ຊຸມໃຫຍ່ ຄັ້ງທີ XII ຂອງພັກກອມມູນິດ ຫວຽດນາມ ວາງອອກຢ່າງມີໄຊ, ສືບຕໍ່ຫັນ ສສ ຫວຽດນາມ ເປັນປະເທດອຸດ
ສາຫະກຳຕາມທິດທັນສະໄໝ ແລະ ບັນລຸເປົ້າໝາຍເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ປະຊາທິປະໄຕ, ຍຸຕິທຳ ແລະ ສີວິໄລ.
     ພວກຂ້າພະເຈົ້າ ມີຄວາມເອກອ້າງທະນົງໃຈເປັນຢ່າງຍິ່ງ ທີ່ເຫັນວ່າຕະຫຼອດໄລຍະຜ່ານມາ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ນັບມື້ນັບໄດ້ຮັບການເພີ່ມພູນຄູນສ້າງ ແລະ ເພີ່ມທະວີທັງທາງກວ້າງ ແລະ ທາງເລິກໃນທຸກຂົງເຂດຢ່າງບໍ່ຢຸດຢັ້ງ, ນຳເອົາຜົນປະໂຫຍດຢ່າງແທ້ຈິງ ມາໃຫ້ແກ່ປະຊາຊົນສອງຊາດພວກເຮົາ, ພິເສດໃນປີ 2017 ຜ່ານມາ, ສອງປະເທດພວກເຮົາໄດ້ຈັດຕັ້ງປີສາມັກຄີມິດຕະພາບຢ່າງມີຜົນສຳເລັດ. ພັກ, ລັດ ແລະ ປະຊາຊົນລາວບັນດາເຜົ່າ ຈະເຮັດສຸດຄວາມສາມາດຂອງຕົນ ຮ່ວມກັບບັນດາສະຫາຍ ເພື່ອປົກປັກຮັກສາ ແລະ ເສີມຂະຫຍາຍສາຍພົວພັນດັ່ງກ່າວ ໃຫ້ຍືນຍົງຄົງຕົວຕະຫຼອດໄປໃຫ້ແກ່ລຸ້ນລູກຫຼານຕໍ່ໄປ ເພື່ອຜົນປະໂຫຍດຂອງສອງປະເທດ ກໍ່ຄືຜົນປະໂຫຍດ ແຫ່ງ ສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
     ເນື່ອງໃນໂອກາດອັນສະຫງ່າລາສີນີ້, ພວກຂ້າພະເຈົ້າ ຂໍສະແດງຄວາມຮູ້ບຸນຄຸນຢ່າງເລິກເຊິ່ງ ແລະ ຄວາມຂອບອົກຂອບໃຈຢ່າງຈິງໃຈມາຍັງພັກ, ລັດ ແລະ ປະຊາຊົນ ຫວຽດນາມ ອ້າຍນ້ອງທີ່ໄດ້ໃຫ້ການຊ່ວຍເຫຼືອອັນໃຫຍ່ຫຼວງລ້ຳຄ່າ ແລະ ມີປະສິດທິຜົນບົນຈິດໃຈ ສະຫາຍອ້າຍນ້ອງ ທີ່ບໍລິສຸດຜຸດພ່ອງ ແກ່ພາລະກິດການປະຕິວັດລາວ ຕະຫຼອດມາ.
     ຂໍອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນ ແລະ ສວຍສົດງົດງາມຕະຫຼອດໄປ.

 

ນະຄອນຫຼວງວຽງຈັນ, ວັນທີ 2 ກຸມພາ 2018
ຄະນະບໍລິຫານງານສູນກາງພັກປະຊາຊົນ ປະຕິວັດລາວ

ໂທລະເລກອວຍພອນ

ເຖິງ: ສະຫາຍ ຮວ່າງບິ່ງກວັນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ.


                                                                                                             ທີ່ ນະຄອນຫຼວງ ຮ່າໂນ້ຍ

ສະຫາຍ ຮວ່າງບິ່ງກວັນ ທີ່ຮັກແພງ,
     ເນື່ອງໃນໂອກາດວັນສ້າງຕັ້ງພັກກອມມູນິດ ຫວຽດນາມ ຄົບຮອບ 88 ປີ (ວັນທີ 3/2/1930-3/2/2018), ຕາງໜ້າຄະນະພັກ, ຄະນະນຳ ແລະ ພະນັກງານຂອງ ຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດ ລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳອວຍພອນໄຊອັນປະເສີດ, ຄວາມສາມັກຄີຮັກແພງ ຖານສະຫາຍອ້າຍນ້ອງທີ່ສະໜິດສະໜົມ ມາຍັງສະຫາຍ ພ້ອມດ້ວຍຄະນະພັກ, ຄະນະນຳ ແລະ ພະນັກງານຂອງຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ທຸກຖ້ວນໜ້າ.
     ພວກຂ້າພະເຈົ້າມີຄວາມເອກອ້າງທະນົງໃຈເປັນຢ່າງຍິ່ງທີ່ເຫັນວ່າ ຕະຫຼອດໄລຍະ 88 ປີທີ່ຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງ ພັກກອມມູນິດ ຫວຽດນາມ, ປະຊາຊົນ ຫວຽດນາມ ອ້າຍນ້ອງໄດ້ຍາດຜົນງານອັນໃຫຍ່ຫຼວງຮອບດ້ານ ແລະ ມີຄວາມໝາຍປະຫວັດສາດ ໃນທຸກຂົງເຂດ, ໂດຍສະເພາະແມ່ນບັນດາຜົນສຳເລັດຮອບດ້ານໃນພາລະກິດແຫ່ງການປ່ຽນແປງໃໝ່ຂອງ ສສ ຫວຽດນາມ ອັນໄດ້ເຮັດໃຫ້ສະຖຽນລະພາບທາງດ້ານການເມືອງມີຄວາມໜັກແໜ້ນ, ເສດຖະກິດມີການຂະຫຍາຍຕົວດ້ວຍຈັງຫວະໄວ ແລະ ຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເລື້ອຍໆ, ການພົວພັນຮ່ວມມືກັບຕ່າງປະເທດໄດ້ຮັບການເປີດກວ້າງ, ບົດບາດອິດທິພົນຂອງພັກກອມມູນິດ ຫວຽດນາມ ແລະ ສາທາລະນະລັດ ສັງຄົມນິຍົມ ຫວຽດນາມ ນັບມື້ນັບສູງເດັ່ນຂຶ້ນໃນເວທີພາກພື້ນ ແລະ ສາກົນ.
     ພວກຂ້າພະເຈົ້າ ຕີລາຄາສູງຕໍ່ການປະກອບສ່ວນອັນສຳຄັນຂອງ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຫວຽດນາມ ເວົ້າລວມ,ກໍ່ຄືການປະກອບສ່ວນສຳຄັນ, ຕົວຈິງເຂົ້າໃນການເພີ່ມພູນຄູນສ້າງ, ເສີມຂະຫຍາຍສາຍພົວພັນມິດຕະພາບ, ການຮ່ວມລະຫວ່າງ
ສອງພັກ, ສອງລັດຖະບານ ແລະ ປະຊາຊົນສອງຊາດ ລາວ-ຫວຽດນາມ-ລາວ ເວົ້າສະເພາະ.
     ອີກເທື່ອໜຶ່ງ, ຂ້າພະເຈົ້າ ຂໍອວຍພອນໃຫ້ສະຫາຍ ພ້ອມດ້ວຍຄະນະພັກ, ຄະນະນຳ ແລະ ພະນັກງານຂອງຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ທຸກຖ້ວນໜ້າ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສຳເລັດໃນການປະຕິບັດພາລະໜ້າທີ່ອັນມີກຽດຂອງຕົນ.
     ຂໍອວຍພອນໃຫ້ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດ ຈົ່ງໝັ້ນຄົງຂະໜົງແກ່ນ ແລະ ເກີດ ດອກອອກຜົນຕະຫຼອດໄປ.


     ດ້ວຍຄວາມນັບຖືຖານສະຫາຍອ້າຍນ້ອງ,


ນະຄອນຫຼວງວຽງຈັນ, ວັນທີ 2 ກຸມພາ 2018

ສູນທອນ ໄຊຍະຈັກ

ກຳມະການສູນກາງພັກ,
ຫົວໜ້າຄະນະພົວພັນຕ່າງປະເທດສູນກາງພັກ

ເຖິງ:   ສະຫາຍ ສີຈິນຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ.

                                                                                            ທີ່ ນະຄອນຫລວງປັກກິ່ງ

 

ສະຫາຍ ສີຈິນຜິງ ທີ່ຮັກແພງ,

 

          ເນື່ອງໃນໂອກາດທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ອີກສະໄໝໜຶ່ງ, ໃນນາມ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງສະຫາຍ ແລະ ຜ່ານສະຫາຍ ມາຍັງ ຄະນະບໍລິຫານງານສູນກາງພັກກອມມູນິດຈີນ ສະໄໝທີ XIX.

          ການທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງສູງສຸດຂອງ ພັກ ກອມມູນິດຈີນ ອີກສະໄໝໜຶ່ງໃນກອງປະຊຸມໃຫຍ່ຄັ້ງທີ XIX ຂອງ ພັກກອມມູນິດຈີນ ເປັນການສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈຢ່າງເຕັມປ່ຽມຂອງທົ່ວພັກ, ທົ່ວລັດ ແລະ ປະຊາຊົນຈີນ ທີ່ມີຕໍ່ສະຫາຍ ໃນຖານະເປັນຜູ້ນໍາທີ່ປ່ຽມລົ້ນໄປດ້ວຍປະສົບການ ແລະ ຜົນງານອັນໂດດເດັ່ນ ໃນການຊີ້ນໍາ ນໍາພາພັກ, ລັດ ແລະ ປະຊາຊົນຈີນ ອ້າຍນ້ອງ ໃນພາລະກິດສ້າງສາພັດທະນາປະເທດຈີນ ຕະຫຼອດໄລຍະທີ່ຜ່ານມາ.

ນັບແຕ່ກອງປະຊຸມໃຫຍ່ຄັ້ງທີ XVIII ຂອງພັກເປັນຕົ້ນມາ, ສະຫາຍ ຮ່ວມກັບ ສູນກາງພັກກອມມູນິດຈີນ ໄດ້ນໍາພາພາລະກິດສ້າງສາປະເທດຈີນ ດ້ວຍທັດສະນະໃໝ່, ແນວຄິດໃໝ່ ແລະ ຍຸດທະສາດໃໝ່ ເພື່ອປົກຄອງລັດ-ບໍລິຫານປະເທດ ໃຫ້ມີຄວາມເຂັ້ມແຂງຮອບດ້ານ, ເຊິ່ງໄດ້ເຮັດໃຫ້ພາລະກິດສ້າງສາສັງຄົມນິຍົມແບບສີສັນພິເສດຂອງຈີນນັ້ນ ປະສົບຜົນສໍາເລັດຢ່າງໃຫຍ່ຫຼວງ, ຮອບດ້ານ, ມີລັກສະນະປະຫວັດສາດ ແລະ ໄດ້ກາຍເປັນພື້ນຖານອັນໜັກແໜ້ນ ເພື່ອບັນລຸເປົ້າໝາຍຍຸດທະສາດ 4 ຮອບດ້ານ, ເປົ້າໝາຍສູ້ຊົນ 100 ປີ 2 ເຫດການ ແລະ ຄວາມຝັນຂອງຈີນ ໃນການຟື້ນຟູຄວາມຮຸ່ງເຮືອງສີວິໄລຂອງເຊື້ອຊາດຈີນ, ສ້າງສັງຄົມອີ່ມໜໍາສໍາລານຮອບດ້ານຢູ່ ສປ ຈີນ, ລະບົບການເມືອງຂອງ ສປ ຈີນ ສືບຕໍ່ມີສະເຖຍລະພາບຢ່າງໜັກແໜ້ນ, ວຽກງານປ້ອງກັນຊາດມີຄວາມເຂັ້ມແຂງ, ການພັດທະນາເສດຖະກິດ-ສັງຄົມໄດ້ມີການຂະຫຍາຍຕົວໄວດ້ວຍຈັງຫວະສູງຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນໄດ້ຮັບການຍົກລະດັບໃຫ້ນັບມື້ນັບດີຂຶ້ນເລື້ອຍໆ; ຍຸດທະສາດ ໜຶ່ງແລວທາງ ໜຶ່ງເສັ້ນທາງ ທີ່ສະຫາຍໄດ້ລິເລີ່ມນັ້ນ ໄດ້ຮັບການສະໜັບສະໜູນຢ່າງກວ້າງຂວາງຈາກປະເທດຕ່າງໆໃນໂລກ ແລະ ພວມເກີດມີບັນດາກົນໄກຮ່ວມມືໃນພາກພື້ນຕ່າງໆຢ່າງເປັນຮູບປະທໍາ ໃນນັ້ນລວມທັງການຮ່ວມມືຕົວຈິງ ລະຫວ່າງ ສປປ ລາວ ແລະ ສປ ຈີນ.

ຂ້າພະເຈົ້າ ມີຄວາມເຊື່ອໝັ້ນວ່າ ພາຍໃຕ້ການນໍາພາຊີ້ນໍາຂອງພັກກອມມູນິດຈີນ ທີ່ມີສະຫາຍ ເປັນແກນນໍານັ້ນ, ປະຊາຊົນຈີນອ້າຍນ້ອງຈະສືບຕໍ່ຍາດໄດ້ຜົນສໍາເລັດໃໝ່, ໃຫຍ່ຫຼວງກວ່າເກົ່າ ໃນການຈັດຕັ້ງປະຕິບັດມະຕິຂອງກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ເພື່ອສ້າງສັງຄົມອັນອິ່ມໜໍາສໍາລານຮອບດ້ານ ແລະ ບັນລຸຄວາມຝັນຂອງຈີນ ໃນການຟື້ນຟູຄວາມສີວິໄລຂອງເຊື້ອຊາດຈີນໃຫ້ປະກົດຜົນເປັນຈິງ, ເພີ່ມທະວີບົດບາດອັນສູງເດັ່ນ ແລະ ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາສັນຕິພາບ ແລະ ການຮ່ວມມືເພື່ອການພັດທະນາຢູ່ໃນພາກພື້ນ ແລະ ສາກົນ.

ຂໍອວຍພອນໃຫ້ສະຫາຍ ຈົ່ງມີສຸຂະພາລະນາໄມສົມບູນ, ມີຄວາມຜາສຸກ ແລະ ມີຜົນສໍາເລັດໃນພາລະກິດອັນສູງສົ່ງ ແລະ ມີກຽດສະຫງ່າຂອງສະຫາຍ.

ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອ ແລະ ແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ຈົ່ງໄດ້ຮັບການເສີມຂະຫຍາຍ, ແຕກດອກອອກຜົນຍິ່ງໆຂຶ້ນຕະຫຼອດໄປ.

ດ້ວຍຄວາມນັບຖືຖານສະຫາຍ,

                                                          ນະຄອນຫຼວງວຽງຈັນ, ວັນທີິ   ຕຸລາ 2017.

                                                                        ບຸນຍັງ ວໍລະຈິດ

                                                          ເລຂາທິການໃຫຍ່ຄະນະບໍລິຫານງານສູນກາງ

                                                                   ພັກປະຊາຊົນປະຕິວັດລາວ

ເນື່ອງໃນໂອກາດພັກກອມມູນິດຈີນ ດຳເນີນກອງປະຊຸໃຫຍ່ຜູ້ແທນທົ່ວປະເທດຄັ້ງທີ XIX,​ ​ເຊິ່ງໄຂຂຶ້ນທີ່ນະຄອນຫລວງປັກກິ່ງໃນວັນທີ 18 ຕຸລາ 2017,​​ໃນນາມຄະນະບໍລິຫານງານສູນກາງພັກປະຊາຊົນປະຕິວັດລາວ ສະມາຊິກພັກແລະປະຊາຊົນລາວບັນດາເຜົ່າ,​ ພວກຂ້າພະເຈົ້າຂໍສົ່ງຄວາມຊົເຊີຍອັນອົບອຸ່ນ​,​ ພອນໄຊອັນປະເສີດແລະ  ອາລົມຈິດແຫ່ງຄວາມສາມັກຄີຮັກແພງອັນສະໜິດສະໜົມຖານສະຫາຍອ້າຍນ້ອງ ມາຍັງຄະນະບໍລິຫານງານສູນກາງພັກກອມມູນນິດຈີນ,​ ບັນດາຜູ້ແທນກອງປະຊຸມໃຫຍ່ແລະຜ່ານກອງປະຊຸມໃຫຍ່ໄປຍັງສະມາຊິກພັກກອມມູນິດຈີນແລະປະຊາ ຊົນຈີນອ້າຍນ້ອງທຸກຖ້ວນໜ້າ

ກອງປະຊຸມໃຫຍ່ຜູ້ແທນ​​ທົ່ວປະເທດຄັ້ງທີ XIX ຂອງພັກກອມມູນິດຈີນແມ່ນເຫດການການ ເມືອງທີ່ມີຄວາມໝາຍສຳຄັນຍິ່ງໃນຊີວິດການເມືອງຂອງພັກກອມມູນິດຈີນ,ເຊິ່ງໄດ້ໄຂຂຶ້ນໃນໄລຍະສຳ ຄັນຂອງການກຳນົດຍຸດທະສາດແລະວາງນະໂຍບາຍເພື່ອບັນລຸການສ້າງສັງຄົມອັນອິ່ມໜ່ຳສຳລານຮອບດ້ານແລະຄວາມ​​ຝັນຂອງຈີນໃນການຟື້ນຟູຄວາມຮຸ່ງເຮືອງສີວິໄລ ຂອງເຊື້ອຊາດຈີນໃນກາງສັດຕະວັດທີ 21 ​ໃຫ້ປາກົດຜົນເປັນຈິງຢ່າງມີໄຊ.

ພວກຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງທີ່ເຫັນວ່າ ຕະຫລອໄລຍະ 90 ກວ່າປີແຫ່ງການກຳ​​ເນີເຕີບໃຫຍ່ຂອງຕົນ, ພັກກອມມູນິດຈີນມີບົດບາດນຳພາອັນເຂັ້ມແຂງແລະເຕັມໄປດ້ວຍການປະດິດສ້າງສ້າງບັນດາບາດລ້ຽວອັນສຳຄັນ ໃນປະຫວັດສາດຈີນເຊັ່ນ,​ ນຳພາສະຖາປະນາສປຈີນໃນປີ 1949,ດຳເນີນການປະຕິຮູບເປີດປະຕູສູ່ພາຍອກແຕ່ປີ 1978 ​ເຊິ່ງຕິດພັນກັບການສ້າງ​​ສັງຄົມນິຍົມ ຕາມສີສັນພິເສດຂອງຈີນອັນ​​ໄດ້ຮັດໃຫ້ ສປຈີນມີການພັດທະນາອັນວ່ອງໄວ, ​ເຂັ້ມແຂງແລະຮອບດ້ານສະເພາະໃນໄລຍະ 5 ປີແຫ່ງການຈັດຕັ້ງປະຕິບັດມະຕິອງປະຊຸມໃຫຍ່ຄັ້ງທີ XVIII ຂອງພັກກອມມູນິດຈີນ ທີ່ຖືເອົາສະຫາຍສີຈີນຜິເປັນແກນກາງນັ້ນ, ປະຊາຊົນຈີນອ້າຍນ້ອງສືບຕໍ່ຍາດໄດ້ຜົນສຳເລັດ ທີ່ມີຄວາມສຳຄັນໃຫຍ່ຫລວງແລະຮອບດ້ານ ໃນພາລະກິດແຫ່ງການປົກປັກຮັກສາແລະສ້າງສາພັດທະນາສາທາລະນະລັດປະຊາຊົນຈີນ. ພວກຂ້າພະເຈົ້າຕີລາຄາສູງຕໍ່ແນວທາງ ການປະຕິຮູບແລະນະ​​ໂຍບາຍການພັດທະນາຂອງສະຫາຍສີຈິນຜິເຊິ່ງໄດ້ມີແບບແຜນການນຳພາຢ່າງກວມລວມແລະຮອບດ້ານຕາແນວຄິດໃໝ່, ຍຸດທະສາດໃໝ່ແລະມາດຕະການໃໝ່ພາຍໃຕ້ສະພາບການໃໝ່ແຫ່ງການພັດທະນາ​​ຢ່າງໜັກແໜ້ນ,​ ​ແນໃສ່ຊຸກຍູ້ການດຳເນີນການພັດທະນາ 5 ປະການໃນໜຶ່ງດຽວ, ຍຸດທະສາດ 4 ຮອບດ້ານແລະເປົ້າໝາຍສູ່ຊົນ​ 100 ປີ 2 ​ເຫດການດ້ວຍບາດກ້າວທີ່ໜັກແໜ້ນ.

ພວກຂ້າພະເຈົ້າເຊຶ່ອໝັ້ນວ່າພາຍໃຕ້ແສງສະຫ່ວາງມະຕິກອງປະຊຸມໃຫຍ່ຄັ້ງທີ XIX,​ ພັກກອມມູນິດຈີນ,​ ລັດຖະບານ ແລະ ປະຊາຊົນຈີນອ້າຍນ້ອງຈະສາມາດຍາດໄດ້ໄຊຊະນະໃໝ່,​ ຮອບດ້ານ ແລະ ຍິ່ງໃຫຍ່ກ່ວາເກົ່າບົນເສັ້ນທາງແຫ່ງການສ້າງສັງຄົມນິຍົມທີ່ມີສີສັນພິເສດຂອງຈີນ, ບັນລຸບັນດາເປົ້າໝາຍຍຸດທະສາດແລະພາລະກິດປະຫວັດສາດຂອງພັກກອມມູນິດຈີນທີ່ມີກຽດສະຫງ່າຢ່າງມີໄຊ.

ພັກປະຊາຊົນປະຕິວັດລາວ,​ ລັດຖະບານແລະປະຊາຊົນລາວບັນດາເຜົ່າສຸດທີ່ຖະນຸຖະໜອມສາຍພົວພັນມິດຕະພາບ ທີ່ເປັນມູນເຊື້ອອັນດີງາມລາວ-ຈີນ ແລະ ພ້ອມທີ່ຈະຮ່ວມກັບພັກກອມມູນິດຈີນ,​ ລັດຖະບານ ແລະ ປະຊາຊົນຈີນອ້າຍນ້ອງສືບຕໍ່ເຮັດສຸດຄວາມສາມາດຂອງຕົນໃນການປົກປັກຮັກສາ ແລະ ເພີ່ມພູນຄູນສ້າງສາຍພົວພັນ ແບບຄູ່ຮ່ວມຍຸຸດທະສາດຮອບດ້ານໝັ້ນຄົງຍາວນານ ແລະ ຄວາມໄວ້ເນື້ອເຊື່ອໃຈກັນ ລະຫວ່າງສອງພັກ, ສອງລັດແລະປະຊາຊົນສອງຊາດລາວ-ຈີນໃຫ້ນັບມື້ນັບແໜ້ນແຟ້ນເລິກເຊິ່ງກວ່າເກົ່າ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດລາວ-ຈີນ ແລະ ທັງເປັນການປະກອບສ່ວນເຂົ້າ ໃນພາລະກິດສັນຕິພາບແລະການຮ່ວມມືພັດທະນາຢູ່ໃນພາກພື້ນແລະໃນໂລກ.

ຂໍອວຍພອນໃຫ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIX ຂອງພັກກອມມູນິດຈີນທີ່ມີກຽດສະຫງ່າ ຈົ່ງປະສົບຜົນສຳເລັດຢ່າງຈົບງາມ.

ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອແລະການຮ່ວມມືແບບຄູ່ຮ່ວມຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີລະຫວ່າງສອງພັກ, ສອງລັດແລະປະຊາຊົນສອງຊາດລາວ-ຈີນຈົ່ງໄດ້ຮັບການ ເພີ່ມພູນຄູນສ້າງແລະແຕກດອກອອກຜົນຢ່າງບໍ່ຢຸດຢັ້ງ.

ດ້ວຍຄວາມນັບຖືຖານສະຫາຍ

                        ນະຄອນຫລວງວຽງຈັນ, ວັນທີ 18 ຕຸລາ 2017

                      ຄະນະບໍລິຫານງານສູນກາງພັກປະຊາຊົນ ປະຕິວັດລາວ

party x

ສະຖິຕິຜູ້ເຂົ້າຊົມ

169914
Today223
Yesterday296
This_Week519
This_Month5479
All_Days169914