ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

fuekophom

ໂດຍ​ການ​ຈັດ​ຕັ້ງ​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ X ຂອງ​ພັກ ກໍ່​ຄື​ມະ​ຕິ​ກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ​ຄັ້ງ​ທີ I ຂອງ​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ​ວາງ​ອອກ​ໃຫ້​ປາ​ກົດ​ຜົນ​ເປັນ​ຈີ່ງ ​ພາຍ​ໃຕ້​ການ​ຊີ້​ນຳ​ຂອງ​ຄະ​ນະ​ພັກ ຄະ​ນະ​ນຳ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກໃນ​ລະ​ຫວ່າງ ວັນ​ທີ 12-13 ກັນ​ຍາ 2017 ຜ່ານ​ມານີ້, ​ກົມ​ຈັດ​ຕັ້ງ - ພະ​ນັກ​ງານ, ຄະ​ນະ​ພົວ​ພັນ​ຕ່າງ​ປະ​ເທ​ດ​ສູນ​ກາງ​ພັກ​ໄດ້​ຈັດ​ຊຸດ​ຝຶກ​ອົບ​ຮົມໃຫ້​ແກ່​ພະ​ນັກ​ງານຫຼັກ​ແຫຼ່ງ​ຂອງ​ຕົນ ໃນ​ຫົວ​ຂໍ້: ​ການ​ວິ​ເຄາະ - ການ​ກຳ​ນົດ​ຕ່ຳ​ແໜ່ງ​ງານ ແລະ ການ​ຮ່າງ​ເອ​ກະ​ສານ​ທາງ​ການ; ຂື້ນ​ທີ່ ສຳ​ນັກ​ງານ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ພາຍ​ໃຕ້​ການ​ເປັນ​ປະ​ທານ​ຂອງ ສະ​ຫາຍ ນາງ ພອນ​ດາ​ວັນ ພີນ​ສະ​ຫວັນ, ຫົວ​ໜ້າ​ກົມ​ຈັດ​ຕັ້ງ - ພະ​ນັກ​ງານ ໂດຍ​ເຊື້ອ​ເຊີນ​ນັກ​ວິ​ທະ​ຍາ​ກອນ​ຈາກ​ສະ​ຖາ​ບັນ​ວິ​ທະ​ຍາ​ສາດ​ການ​ປົກ​ຄອງ ແລະ​ຝຶກ​ອົບ​ຮົມ ມາ​ໃຫ້​ບົດ​ຮຽນ​ດັ່ງ​ກ່າວ ໃນ​ນັ້ນ​ມີ​ນັກ​ສຳ​ມະ​ນາ​ກອນ​ຈາກ​ກົມ​ຕ່າງໆ​ພາຍ​ໃນ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ​ເຂົ້າ​ຮ່ວມ ຈຳ​ນວນ 50 ສະ​ຫາຍ.

          ໃນ​ພິ​ທີ​ເປີດ​ຊຸດ​ຝຶກ​ອົບ​ຮົມ​ດັ່ງ​ກ່າວ ສະ​ຫາຍ ນາງ ພອນ​ດາ​ວັນ ພີນ​ສະ​ຫວັນ, ຫົວ​ໜ້າ​ກົມ​ຈັດ​ຕັ້ງ - ພະ​ນັກ​ງານ ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສຳ​ຄັນ ແລະ​ຈຳ​ເປັນ​ໃນ​ການ​ຂຽນ​ຕ່ຳ​ແໜ່ງ​ງານ ແລະ​ການ​ຮ່າງ​ເອ​ກະ​ສານ​ທາງ​ການ​ຢູ່​ຄະ​ນະ​ພົວ​ພັນ​ຕ່າງ​ປະ​ເທ​ດສູນ​ກາງ​ພັກ​ແມ່ນ​ແນ່​ໃສ່​ເຮັດ​ໃຫ້​ມີ​ຄວາມ​ຖືກ​ຕ້ອງ​ສອດ​ຄ່ອງ​ຕາມ​ທິດ​ທາງ​ຂອງ​ພັກ - ລັດ​ໃນ​ໄລ​ຍະ​ໃໝ່ ໂດຍ​ສະ​ເພາະ​ແມ່ນ​ໄລ​ຍະ​ແຕ່ນີ້​ເຖິງ​ປີ 2020 ເຮັດ​ໃຫ້​ຈຳ​ນວນ​ລັດ​ຖະ​ກອນ​ທີ່​ຈະ​ເຂົ້າ​ເຮັດ​ວຽກ​ງາ​ນ​ຢູ່ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ມີ​ຄວາມ​ແທດ​ເໝາະ​ກັບ​ໜ້າ​ທີ​ວຽກ​ງານ​ຕົວ​ຈິງ ປາ​ສະ​ຈາກ​ພະ​ນັກ​ງານ​ລັກ​ສະ​ນະ​ເຫຼືອບໍ່​ພໍ ແລະ​ເພື່ອ​ເປັນ​ການ​ຮັບ​ປະ​ກັນ​ໃນ​ການ​ປະ​ຕິ​ບັດ​ໜ້າ​ທີ່​ວຽກ​ງານ​ໃຫ້​ຮັບ​ປະ​ກັນ​ທັງ​ປະ​ລິ​ມານ ແລະ​ ຄຸນ​ນະ​ພາບ. ສຳຫຼັບ​ການ​ຮ່າງ​ເອ​ກະ​ສານ​ທາງ​ການ​ແມ່ນ​ແນ່​ໃສ່​ການ​ຂຽນ​ເອ​ກະ​ສານ​ທາງ​ການ​ໃຫ້​ມີ​ຄວາມ​ເປັນ​ເອ​ກະ​ພາບ​ກັບ​ບັນ​ດາ​ກະ​ຊວງ, ອົງ​ການ, ເຮັດ​ໃຫ້​ລະ​ບົບ​ການ​ເຮັດ​ວຽ​ກດີ​ຂື້ນເລື້ອຍໆ.

          ໂດຍ​ລວ​ມ​ແລ້ວ, ການ​ຝຶກ​ອົບ​ຮົມ​ໃນ​ຄັ້ງ​ນີ້​ແມ່ນ​ໄດ້​ດຳ​ເນີນ​ໄປ​ດ້ວຍ​ບັນ​ຍາ​ກາດ​ທີ່​ຟົດ​ຟື້ນ​ດີ, ວິ​ທະ​ຍາ​ກອນ ແລະ ນັກ​ສຳ​ມະ​ນາ​ກອນ ໄດ້​ມີ​ການ​ແລກ​ປ່ຽນ​ບົດ​ຮຽນ​ຢ່າງ​ກົງ​ໄປ​ກົງ​ມາ, ອັນ​ໄດ້​ເຮັດ​ໃຫ້​ບັ້ນ​ຊຸດ​ຝຶກ​ອົບ​ຮົມ​ສຳ​ເລັດ​ຕາມ​ລະ​ດັບ​ຄາດ​ໝາຍ​ທີ່​ວາງ​ໄວ.

party x

ສະຖິຕິຜູ້ເຂົ້າຊົມ

274072
Today271
Yesterday543
This_Week1396
This_Month5797
All_Days274072