ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

25Dec2018

   ເພື່ອປະຕິບັດຕາມຄຳແນະນໍາ ເລກທີ 06/ພນ, ລົງວັນທີ 19 ພະຈິກ 2017 ກ່ຽວກັບການອອກບັດ ພະນັກງານ - ລັດຖະກອນ, ໃນວັນທີ 25 ທັນວາ 2018 ທີ່ ຄະນະພົວພັນຕ່າງປະເທດສູນກາງພັກ ຫຼັກ 06 ໄດ້ຈັດພິທີມອບ-ຮັບ ບັດພະນັກງານ - ລັດຖະກອນ, ໂດຍການເປັນປະທານ ຂອງ ສະຫາຍ ສົມພອນ ສີຈະເລີນ, ຮອງເລຂາຄະນະພັກ ຮອງຫົວໜ້າ ຄະນະພົວພັນຕ່າງປະເທດສູນກາງພັກ ແລະ ການເຂົ້າຮ່ວມເປັນກຽດຂອງ ສະຫາຍ ວິໄຊ ພັນດານຸວົງ, ຮອງລັດຖະມົນຕີ ກະຊວງພາຍໃນ; ມີບັນດາຄະນະກົມ ແລະ ພະນັກງານ ຄຕພ ທັງໝົດເຂົ້າຮ່ວມ.
   ໃນພິທີມອບ-ຮັບ ດັ່ງກ່າວ, ໄດ້ມີພະນັກງານ - ລັດຖະກອນ ຄຕພ ຈໍານວນ 116 ສະຫາຍໄດ້ຮັບບັດ; ສະຫາຍ ວິໄຊ ພັນດານຸວົງ, ຮອງລັດຖະມົນຕີ ກະຊວງພາຍໃນ ມີຄໍາເຫັນຊຶ່ງໄດ້ຍົກໃຫ້ເຫັນຄວາມໝາຍ, ຄວາມສໍາຄັນ ຂອງການມອບບັດໃຫ້ແກ່ພະນັກງານ-ລັດຖະກອນເພາະສະແດງໃຫ້ເຫັນເຖິງການຢັ້ງຢືນ ແລະ ກວດກາບັນຊີຈໍານວນພົນພະນັກງານ - ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ຂອງບັນດາກະຊວງ, ອົງການຂັ້ນສູນກາງ ແລະ ອົງການປົກຄອງທ້ອງຖີ່ນ. ທັງເປັນການປັບປຸງຂໍ້ມູນປະຫວັດລັດຖະກອນໃຫ້ຖືກຕ້ອງ, ສອດຄ່ອງກັບລະບຽບການ, ຫັນການຄຸ້ມຄອງພະນັກງານ - ລັດຖະກອນ ຕາມກົດໝາຍ, ລະບຽບການ ແລະ ທັນສະໄໝ ເຮັດໃຫ້ການເບີກຈ່າຍເງີນເດືອນ, ເງີນອຸດໜູນ ແລະ ເງີນນະໂຍບາຍຕ່າງໆຖືກຕ້ອງຕາມຕົວຈິງ. ທັງເປັນບ່ອນອີງໃຫ້ອົງການຄຸ້ມຄອງພະນັກງານ - ລັດຖະກອນ ຂອງບັນດາກະຊວງ, ອົງການລັດທຽບເທົ່າກະຊວງຂັ້ນສູນກາງ, ຂັ້ນແຂວງ ແລະ ຂັ້ນເມືອງ ມີຄວາມສະດວກ ແລະ ຄວາມເປັນເອກະພາບໃນການຈັດຕັ້ງປະຕິບັດຕົວຈິງໃນຂອບເຂດທົ່ວປະເທດ.
   ໃນຕອນທ້າຍ ສະຫາຍ ສົມພອນ ສີຈະເລີນ, ຮອງເລຂາຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ,ໄດ້ກ່າວສະແດງຄວາມຂອບໃຈຕໍ່ກະຊວງພາຍໃນທີ່ໄດ້ຕົກລົງມອບບັດພະນັກງານ-ລັດຖະ ກອນ ໃຫ້ຄະນະພົວພັນຕ່າງປະເທດສູນກາງພັກ ໃນຄັ້ງນີ້. ພ້ອມທັງຮຽກຮ້ອງໃຫ້ພະນັກງານ - ລັດຖະກອນທຸກສະຫາຍ ຈົ່ງພ້ອມກັນປົກປັກຮັກສາ ແລະ ນໍາໃຊ້ໃຫ້ຖືກຕ້ອງຕາມລະບຽບການທີ່ວາງໄວ້.

5Sep2018s

ເພື່ອເສີມຂະຫຍາຍສາຍພົວພັນທີ່ມີມູນເຊື້ອ ລະຫວ່າງພະນັກງານການທູດຂອງລາວ ແລະ ສະຖານທູດ ສປ ຈີນ, ໃນວັນທີ 05 ຕຸລາ 2018, ຄະນະພົວພັນຕ່າງປະເທດສູນກາງພັກ ແລະ ກະຊວງການຕ່າງປະເທດ ໄດ້ຮ່ວມກັນເປັນເຈົ້າພາບ ຈັດການແຂ່ງຂັນກິລາດອກປີກໄກ່ ແລະ ກິລາປິ່ງປ່ອງມິດຕະພາບ ຮ່ວມກັບສະຖານ ສປ ຈີນ ປະຈຳ ສປປ ລາວ ໂດຍການ ເຂົ້າຮ່ວມຂອງຫົວໜ້າຄະນະພົວພັນຕ່າງປະເທດສູນກາງພັກ, ຮອງລັດຖະມົນຕີກະຊວງການຕ່າງປະເທດ, ເອກອັກຄະລັດຖະທູດ ສປ ຈີນ ປະຈຳ ສປປ ລາວ ແລະ ຄະນະນັກກິລາຂອງ 3 ພາກສ່ວນລວມທັງໝົດ 50 ສະຫາຍ.

ອ່ານເພີ່ມເຕີມ... 

   ໃນຕອນເຊົ້າຂອງວັນທີ 9 ເມສາ 2018, ທີ່ ສຳນັກງານຄະນະພົວພັນຕ່າງປະເທດສູນກາງພັກ ຄະນະບໍລິຫານງານຊາວໜຸ່ມຄະນະພົວພັນຕ່າງປະເທດສູນກາງພັກ ໄດ້ຈັດພິທີເຜີຍແຜ່ເອກະສານວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ຄົບຮອບ 63 ປີ, ໂດຍເປັນກຽດເຂົ້າຮ່ວມຂອງ ສະຫາຍ ສົມພອນ ສີຈະເລີນ, ຮອງເລຂາຄະນະບໍລິຫານງານພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ; ສະຫາຍ ຄຳເຟື້ອງ ພັນທະໄຊ, ເລຂາຄະນະບໍລິຫານງານຊາວໜຸ່ມ ຄຕພ, ມີຜູ້ຕ່າງໜ້າຈາກອົງການຈັດຕັ້ງມະຫາຊົນ ແລະ ສະມາຊິກຊາວໜຸ່ມທົ່ວ ຄຕພ ເຂົ້າຮ່ວມຢ່າງພ້ອມພຽງ.
   ໃນພິທີ ສະຫາຍ ຄຳເຟື້ອງ ພັນທະໄຊ ໄດ້ເລົ່າເຖິງມູນເຊື້ອແຫ່ງການຕໍ່ສູ້ຢ່າງພິລະອາດຫານຂອງປະຊາຊົນລາວ ກໍຄືຊາວໜຸ່ມລາວບັນດາເຜົ່າທີ່ຍ້ອມເສຍສະຫຼະເລືອດເນື້ອ ເພື່ອການປະຕິວັດປົດປ່ອຍຊາດລາວ ໃນແຕ່ລະໄລຍະ, ມູນເຊື້ອໃນການປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໝ່ ດັ່ງພັກປະຊາຊົນປະຕິວັດລາວ ໄດ້ຂະໜານນາມໄວ້ວ່າ: ຊາວໜຸ່ມເປັນແຂນຂວາຂອງພັກ, ເປັນກະດູກສັນຫຼັງຂອງປະເທດຊາດ, ເປັນຜູ້ສືບທອດມູນເຊື້ອ ແລະ ວິລະກຳປະຫວັດສາດທີ່ຈົ່ງຮັກພັກດີຕໍ່ພັກ ແລະ ໄດ້ຮັບການຜັນຂະຫຍາຍກາຍເປັນມູນເຊື້ອຂອງຊາວໜຸ່ມທີ່ຕອບສະໜອງໄດ້ຄວາມຮຽກຮ້ອງຕ້ອງການຂອງປະເທດຊາດ ໃນການເຮັດສຳເລັດພາລະກຳປະຫວັດສາດຂອງຕົນ ຄື: ປົດປ່ອຍປະເທດຊາດ, ປົກປັກຮັກສາ ແລະ ສ້າງສາພັດທະນາປະເທດຊາດໃຫ້ກ້າວເດີນຕາມເສັ້ນທາງສັງຄົມນິຍົມ. ນອກຈາກນັ້ນ, ສະຫາຍ ເລຂາຄະນະບໍລິຫານງານຊາວໜຸ່ມ ຄຕພ ຍັງໄດ້ກ່າວວ່າ: ຕະຫລອດໄລຍະຜ່ານມາ, ຄະນະບໍລິຫານງານຊາວໜຸ່ມ ຄຕພ ໄດ້ເອົາໃຈໃສ່ໃນການຊີ້ນຳ-ນຳພາ ສະມາຊິກຊາວໜຸ່ມ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VII ຂອງ ຄຊປປລ, ຜັນຂະຫຍາຍ ຂໍ້ແຂ່ງຂັນ 4 ບຸກ ຂອງຊາວໜຸ່ມ ແລະ ເປັນເຈົ້າການໃນການຈັດຕັ້ງປະຕິບັດວຽກງານວິຊາສະເພາະຂອງຕົນໃຫ້ສຳເລັດຕາມການມອບໝາຍຂອງຂັ້ນເທີງ.
   ໃນໂອກາດດັ່ງກ່າວ, ສະຫາຍ ສົມພອນ ສີຈະເລີນ ໄດ້ສະແດງຄວາມຊົມເຊີຍຕໍ່ຜົນງານຂອງຊາວໜຸ່ມ ຄຕພ ທີ່ຍາດມາໄດ້ໃນໄລຍະຜ່ານມາ ພ້ອມກັນນັ້ນ, ຍັງໄດ້ເໜັ້ນໃຫ້ຊາວໜຸ່ມ ເອົາໃຈໃສ່ໃນການຄົ້ນຄວ້າຮ່ຳຮຽນມູນເຊື້ອອັນດີງາມຂອງບັນພະບູລຸດໃນແຕ່ລະຍຸກແຕ່ລະສະໄໝ ພ້ອມນັ້ນກໍສະແຫວງຫາຄວາມຮູ້ ເພື່ອນຳມາພັດທະນາຕົນເອງ ໃຫ້ກາຍເປັນກຳລັງແຮງຂອງຊາດ ກໍ່ຄືຂອງຄະນະພົວພັນຕ່າງປະເທດສູນກາງພັກ ໃນການຈັດຕັ້ງປະຕິບັດໜ້າທີ່ວິຊາສະເພາະ ທີ່ຖືກມອບໝາຍໃຫ້ສຳເລັດຜົນ ໃຫ້ສົມດັ່ງຄຳເວົ້າຂອງ ປະທານ ໄກສອນ ພົມວິຫານ ໄດ້ມອບນາມມະຍົດໄວ້ໃຫ້ຊາວໜຸ່ມ ທີ່ວ່າ: ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັນກົວຕໍ່ພະຍຸລົມແດງ ຈົ່ງກາຍເປັນສິນໄຊ ແຫ່ງຍຸກສະໄໝຂອງພວກເຮົາ, ອິນຊີທັງຫລາຍຈົ່ງບິນສູງ ບິນໄປໄກແສນໄກ ໃຕ້ທ້ອງຟ້າສີຄາມ ຂອງປະເທດຊາດ ແລະ ນໍາເອົາອະນາຄົດອັນສົດໃສມາໃຫ້ແກ່ຄົນຮຸ່ນໜຸ່ມພວກເຮົາ ເພື່ອພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຊາວໜຸ່ມລາວອາດຫານກ້າວຂຶ້ນ.

fuekophom

ໂດຍ​ການ​ຈັດ​ຕັ້ງ​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ X ຂອງ​ພັກ ກໍ່​ຄື​ມະ​ຕິ​ກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ​ຄັ້ງ​ທີ I ຂອງ​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ​ວາງ​ອອກ​ໃຫ້​ປາ​ກົດ​ຜົນ​ເປັນ​ຈີ່ງ ​ພາຍ​ໃຕ້​ການ​ຊີ້​ນຳ​ຂອງ​ຄະ​ນະ​ພັກ ຄະ​ນະ​ນຳ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກໃນ​ລະ​ຫວ່າງ ວັນ​ທີ 12-13 ກັນ​ຍາ 2017 ຜ່ານ​ມານີ້, ​ກົມ​ຈັດ​ຕັ້ງ - ພະ​ນັກ​ງານ, ຄະ​ນະ​ພົວ​ພັນ​ຕ່າງ​ປະ​ເທ​ດ​ສູນ​ກາງ​ພັກ​ໄດ້​ຈັດ​ຊຸດ​ຝຶກ​ອົບ​ຮົມໃຫ້​ແກ່​ພະ​ນັກ​ງານຫຼັກ​ແຫຼ່ງ​ຂອງ​ຕົນ ໃນ​ຫົວ​ຂໍ້: ​ການ​ວິ​ເຄາະ - ການ​ກຳ​ນົດ​ຕ່ຳ​ແໜ່ງ​ງານ ແລະ ການ​ຮ່າງ​ເອ​ກະ​ສານ​ທາງ​ການ; ຂື້ນ​ທີ່ ສຳ​ນັກ​ງານ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ພາຍ​ໃຕ້​ການ​ເປັນ​ປະ​ທານ​ຂອງ ສະ​ຫາຍ ນາງ ພອນ​ດາ​ວັນ ພີນ​ສະ​ຫວັນ, ຫົວ​ໜ້າ​ກົມ​ຈັດ​ຕັ້ງ - ພະ​ນັກ​ງານ ໂດຍ​ເຊື້ອ​ເຊີນ​ນັກ​ວິ​ທະ​ຍາ​ກອນ​ຈາກ​ສະ​ຖາ​ບັນ​ວິ​ທະ​ຍາ​ສາດ​ການ​ປົກ​ຄອງ ແລະ​ຝຶກ​ອົບ​ຮົມ ມາ​ໃຫ້​ບົດ​ຮຽນ​ດັ່ງ​ກ່າວ ໃນ​ນັ້ນ​ມີ​ນັກ​ສຳ​ມະ​ນາ​ກອນ​ຈາກ​ກົມ​ຕ່າງໆ​ພາຍ​ໃນ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ​ເຂົ້າ​ຮ່ວມ ຈຳ​ນວນ 50 ສະ​ຫາຍ.

ອ່ານເພີ່ມເຕີມ... 

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200