ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

26Aug2019

   ໃນວັນທີ 26 ສິງຫາ 2019, ສະຫາຍ ປອ. ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນ ສູນກາງຊາວໜຸ່ມ ລັດທິກິມອິນຊຸງ - ກິມເຈິງອິນ, ສປປ ເກົາຫຼີ ນຳໂດຍ ສະຫາຍ ກິມ ຊອງ ອິນ, ຮອງເລຂາ ຄະນະບໍລິຫານງານ ສູນກາງຊາວໜຸ່ມ ລັດທິກິມອິນຊຸງ - ກິມເຈິງອິນ ໃນໂອກາດເດີນທາງມາຢ້ຽມຢາມ ແລະ ເຮັດວຽກກັບ ສູນກາງຊາວໜຸ່ມ ປະຊາຊົນ ປະຕິວັດລາວ ໃນລະຫວ່າງວັນທີ 22 - 28 ສິງຫາ 2019.
   ໃນການພົບປະ, ຄະນະຜູ້ແທນ ສປປ ເກົາຫຼີ ໄດ້ສະແດງຄວາມຂອບໃຈຢ່າງສູງ ຕໍ່ສະຫາຍຫົວໜ້າຄະນະ ພົວພັນຕ່າງປະເທດສູນກາງພັກ ທີ່ໃຫ້ການຕ້ອນຮັບອັນອົບອຸ່ນ ແລະ ສະໜິດສະໜົມ, ພ້ອມທັງໄດ້ແຈ້ງສະພາບ ການເຄື່ອນໄຫວ ຂອງຊາວໜຸ່ມລັດທິກິມອິນຊຸງ - ກິມເຈິງອິນ ທີ່ໄດ້ປະກອບສ່ວນຢ່າງຫ້າວຫັນ ແລະ ເປັນກຳລັງ ແຮງອັນສຳຄັນ ໃນການປົກປັກຮັກສາ ແລະ ສ້າງສາພັດທະນາ ສປປ ເກົາຫຼີ ແລະ ຜົນການພົບປະເຮັດວຽກກັບ ສູນກາງຊາວໜຸ່ມ ປະຊາຊົນ ປະຕິວັດລາວ, ໄດ້ຕີລາຄາການພົວພັນຮ່ວມມື ລະຫວ່າງສອງອົງການຊາວໜຸ່ມ ສປປ ເກົາຫຼີ ແລະ ສປປ ລາວ. ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ, ເຊິ່ງເປັນການປະກອບສ່ວນສຳຄັນໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມມາແຕ່ດົນນານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ສປປ ລາວ ແລະ ສປປ ເກົາຫຼີ ທີ່ການນຳຮຸ່ນກ່ອນເປັນຜູ້ກໍ່ຕັ້ງມາ ແລະ ໄດ້ຮັບການ ສືບຕໍ່ພັດທະນາໂດຍການນຳຮຸ່ນຕໍ່ໆມາ, ຊົມເຊີຍຕໍ່ການສ້າງສາພັດທະນາ ສປປ ເກົາຫຼີ ພາຍໃຕ້ການນຳພາຂອງ ພັກແຮງງານເກົາຫຼີ ແລະ ມີຊາວໜຸ່ມເປັນກຳລັງແຮງສຳຄັນ ເຮັດໃຫ້ເສດຖະກິດສືບຕໍ່ຂະຫຍາຍຕົວ ແລະ ບົດບາດຂອງ ສປປ ເກົາຫຼີ ນັບມື້ສູງຂຶ້ນ; ຊົມເຊີຍຕໍ່ການພົບປະເຮັດວຽກຂອງສອງອົງການຊາວໜຸ່ມ ເຊິ່ງເປັນການປະກອບສ່ວນສຳຄັນເຂົ້າໃນການເສີມຂະຫຍາຍມູນເຊື້ອການພົວພັນ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ເວົ້າລວມ, ເວົ້າສະເພາະ ລະຫວ່າງໄວໜຸ່ມຂອງ ສປປ ລາວ ແລະ ສປປ ເກົາຫຼີ ໃນປັດຈຸບັນ. ສະຫາຍ ຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ອວຍພອນໃຫ້ຄະນະປະສົບຜົນສຳເລັດໃນການຢ້ຽມຢາມ ສປປ ລາວ ໃນຄັ້ງນີ້.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200