ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

18July19

18July19.1

 

   ໃນຕອນເຊົ້າຂອງວັນທີ 18/07/2019, ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາເຊື່ອມ ຊຶມ ເອກະສານສຳຄັນຂອງຊາດຄື: ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ສະໄໝທີ X; ກົດໝາຍວ່າດ້ວຍສຳນັກງານຜູ້ຕາງໜ້າ ແຫ່ງ ສປປລາວ ປະຈຳຢູ່ຕ່າງປະເທດ; ວັນຄ້າຍວັນເກີດປະທານ ສຸພານຸວົງ ແລະ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ -ຈີນ, ເຊິ່ງໃຫ້ກຽດປາຖະກະຖາໂດຍ ສະຫາຍ ປອ

ນາງ ສູນທອນ ໄຊຍະຈັກ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາສະຫາຍ ໃນຄະນະພັກ, ຄະນະກົມ, ພະແນກ ແລະ ພະນັກງານວິຊາການ ພາຍໃນຄະນະພົວພັນຕ່າງປະເທດສູນກາງພັກ ເຂົ້າຮ່ວມຮັບຟັງຢ່າງພ້ອມພຽງ.
   ໃນການປາຖະກະຖາໃນຄັ້ງນີ້ ສະຫາຍ ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ຍົກໃຫ້ເຫັນເນື້ອໃນ ສຳຄັນຂອງມະຕິຂອງສູນກາງພັກ ຄັ້ງທີ 8 ກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດມະຫາພາກ ຕິດພັນກັບການຜັນຂະຫຍາຍ ມະຕິກອງປະຊຸມສູນກາງຄົບຄະນະ ຄັ້ງທີ 7 ສະໄໝທີ X ; ການພັດທະນາຊົນນະບົດ ເພື່ອແກ້ໄຂຄວາມທຸກຍາກຂອງປະຊາຊົນ; ການແບ່ງຂັ້ນຄຸ້ມຄອງໃນລະບົບອົງການບໍລິຫານລັດ, ການດຳເນີນຄະດີຕາມຂະບວນການຍຸຕິທຳ ແລະ ໂຄງຮ່າງບົດລາຍງານການເມືອງ ຕໍ່ກອງປະຊຸມໃຫຍ່ ຄັ້ງທີ XI ຂອງພັກ ; ຈາກນັ້ນ ສະຫາຍ ຫົວໜ້າ ຄຕພ ຍັງໄດ້ສືບຕໍ່ເຜີຍແຜ່ເນື້ອໃນຂອງກົດໝາຍ ວ່າດ້ວຍສຳນັກງານຜູ້ຕາງໜ້າ ສປປລາວ ປະຈຳຢູ່ຕ່າງປະເທດ. ຕໍ່ມາ ສະຫາຍຫົວໜ້າ ຄຕພ ຍັງໄດ້ຫວນຄືນຊີວິດ, ການເຄື່ອນໄຫວປະຕິວັດ, ຄຸນງາມຄວາມດີ ແລະ ຜົນງານຂອງ ປະທານ ສຸພານຸວົງ, ຜູ້ນໍາທີ່ດີເດັ່ນຂອງປະຊາຊົນລາວ ໃນການປະກອບສ່ວນສ້າງກ້ອນກຳລັງສາມັກຄີ ເປັນອັນໜຶ່ງອັນດຽວ ໃນພາລະກິດປະຕິວັດຂອງລາວ ກໍຄືແນວໂຮມເອກະພາບແຫ່ງຊາດໃນຕະຫຼອດໄລຍະແຫ່ງການຕໍ່ສູ້ ເພື່ອຍາດເອົາເອກະລາດແຫ່ງຊາດ ກໍຄືໃນຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ ໃນແຕ່ລະໄລຍະ.
   ໃນຕອນທ້າຍ, ສະຫາຍ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ສືບຕໍ່ເຜີຍແຜ່ເອກະສານ ກ່ຽວກັບແຜນແມ່ບົດ ວ່າດ້ວຍການສ້າງຄູ່ຮ່ວມຊາຕາກຳ ລາວ - ຈີນ ລະຫວ່າງ ພັກປະຊາຊົນປະຕິວັດລາວ ກັບ ພັກກອມມູນິດຈີນ, ໂດຍໄດ້ຍົກໃຫ້ເຫັນເຖິງ ເປົ້າໝາຍລວມ, ຫຼັກການ ແລະ ເນື້ອໃນຂອງແຜນແມ່ບົດເຊິ່ງກວມເອົາການຮ່ວມມື ດ້ານການເມືອງ; ເສດຖະກິດ; ການປ້ອງກັນຊາດ - ປ້ອງກັນຄວາມສະຫງົບ; ການພົວພັນດ້ານວັດທະນະທໍາ, ການໄປມາກາສູ່ ລະຫວ່າງປະຊາຊົນ ແລະ ການຮ່ວມມືດ້ານສິ່ງແວດລ້ອມ ແລະ ການພັດທະນາແບບຍືນຍົງ. ຫຼັງຈາກນັ້ນ, ພະ
ນັກງານທີ່ເຂົ້າຮ່ວມຟັງການເຜີຍແຜ່ກໍ່ໄດ້ມີການສົນທະນາ, ປະກອບຄໍາເຫັນຢ່າງກົງໄປກົງມາ ອັນໄດ້ເຮັດໃຫ້ມີບັນຍາກາດຟົດຟື້ນ, ສ້າງຄວາມເຂົ້າໃຈຢ່າງເລິກເຊິ່ງໃຫ້ພະນັກງານໃນ ຄະນະພົວພັນຕ່າງປະເທດສູນກາງພັກ.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200