ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

05July2019

    ວັນທີ 05 ກໍລະກົດ 2019, ຢູ່ທີ່ຫ້ອງວ່າການແຂວງເຊກອງ ໄດ້ຈັດກອງປະຊຸມສາມັນຄົບຄະນະບໍລິຫານງານ ສະມາຄົມມິດຕະພາບ ລາວ-ຫວຽດນາມ ທົ່ວປະເທດໂດຍການເປັນປະທານ ຂອງ ສະຫາຍ ປອ. ວິໄລວົງ ບຸດດາຄຳ, ກຳມະການສູນກາງພັກ, ປະທານກຳມະທິການແຜນການ, ການເງິນ ແລະ ກວດສອບສະພາແຫ່ງຊາດ, ປະທານສະມາ ຄົມ ມິດຕະພາບ ລາວ-ຫວຽດນາມ ຂັ້ນສູນກາງ ແລະ ໃຫ້ກຽດເຂົ້າຮ່ວມ ຂອງ ສະຫາຍ ຄຳເຜີຍ ບຸດດາວຽງ, ກຳມະການສູນກາງພັກ, ເລຂາພັກແຂວງ, ເຈົ້າແຂວງໆເຊກອງ, ສະຫາຍ ສົມດີ ບຸນຄຸ້ມ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ພ້ອມນັ້ນ ຍັງມີບັນດາສະຫາຍປະທານສະມາຄົມມິດຕະພາບລາວ-ຫວຽດນາມ ແລະ ພະແນກການຕ່າງປະເທດ ບັນດາແຂວງທົ່ວປະເທດ ແລະ ບັນດາສະຫາຍກຳມະການສະມາຄົມມິດຕະພາບ ລາວ-ຫວຽດນາມ ຂັ້ນສູນກາງ ເຂົ້າຮ່ວມ. ຈຸດປະສົງຂອງກອງປະຊຸມ ແມ່ນເພື່ອຕີລາຄາຄືນຮອບດ້ານການຈັດຕັ້ງປະຕິບັດວຽກງານ ຂອງສະມາຄົມມິດຕະພາບ ລາວ-ຫວຽດນາມ ໃນໄລຍະ 02 ປີຜ່ານມາ (2016-2018) ແລະ ກຳນົດທິດທາງ, ແຜນການໃນ ຊຸມປີຕໍ່ໜ້າ (2019-2021). 

   ໃນໄລຍະຜ່ານມາ ສະມາຄົມ ມິດຕະພາບ ລາວ-ຫວຽດນາມ ໄດ້ເອົາໃຈໃສ່ເຄຶີື່ອນໄຫວຕາມພາລະບົດບາດ, ສິດ ແລະ ໜ້າທີ່ ໃນການເຮັດວຽກງານການທູດປະຊາຊົນ ໂດຍສະເພາະເຮັດໜ້າທີ່ເປັນຂົວຕໍ່ທີ່ດີໃນການຊຸກຍູ້ການພົວພັນດ້ານລັດໃຫ້ມີປະສິດທິພາບ ແລະ ປະສິດທິຜົນຍິ່ງຂຶ້ນ, ເອົາໃຈໃສ່ສຶກສາອົບຮົມໃຫ້ຊາວໜຸ່ມ, ເຍົາວະຊົນ ກໍ່ຄືຄົນລຸ່ນໜຸ່ມ ຂອງ ສອງປະເທດ ລາວ ແລະ ຫວຽດນາມ ໃຫ້ຮັບຮູ້ ແລະ ເຂົ້າໃຈຢ່າງເລິກຕໍ່ສາຍພົວພັນ ອັນພິເສດທີ່ຫາຍາກໃນການພົວພັນສາກົນ ຂອງ ສອງຊາດລາວ-ຫວຽດນາມ, ໂດຍສະເພາະ ໃຫ້ເຫັນໄດ້ການເສຍສະ ຫລະອັນໃຫຍ່ຫລວງ ຂອງ ການນຳລຸ່ນກ່ອນຕໍ່ການເສີມຂະຫຍາຍສາຍພົວພັນແບບພິເສດ, ບໍລິສຸດຜຸດຜ່ອງລະຫວ່າງ ສອງປະເທດ ເພື່ອພ້ອມກັນປົກປັກຮັກສາ ແລະ ເສີມຂະຫຍາຍໃຫ້ແຕກດອກອອກຜົນເລື້ອຍໆໄປ. ສະມາຄົມມິດຕະພາບ ໄດ້ເຄື່ອນໄຫວຢ່າງມີຜົນສຳເລັດໃນຫຼາຍດ້ານອັນພົ້ນເດັ່ນແມ່ນການຈັດກິດຈະກຳທີ່ເປັນປະຫວັດສາດເຊັ່ນ: ກິດຈະກຳເດີນຕາມຮອຍປະທານໂຮ່ຈິມີນ ແລະ ປະທານ ໄກສອນ ພົມວິຫານ, ງານບຸນມະໂຫລານລາວ-ຫວຽດນາມ, ງານແຂ່ງຂັນກິລາມິດຕະພາບ, ສ້າງເຮືອນມິດຕະພາບ ລາວ-ຫວຽດນາມ, ບັນດາກິດຈະກຳເຫຼົ່ານັ້ນ ເປັນການປະກອບສ່ວນໃນການປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບ ທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ ໃຫ້ນັບມື້ໄດ້ຮັບການເສີມຂະຫຍາຍທັງລວງກ້ວາງ ແລະ ລວງເລິກ.
   ກອງປະຊຸມສາມັນຄົບຄະນະບໍລິຫານງານສະມາຄົມມິດຕະພາບ ລາວ-ຫວຽດນາມ ທົ່ວປະເທດ ໄດ້ດຳເນີນໄປ ດ້ວຍບັນດາຍາກາດຟົດຟື້ນ, ບັນດາຜູ້ແທນກອງປະຊຸມ ໄດ້ຜັດປ່ຽນກັນປະກອບຄຳເຫັນໃສ່ຮ່າງບົດລາຍງານຢ່າງກົງໄປກົງມາ ແລະ ມີຄວາມຮັບຜິດຊອບສູງ ເປັນຕົ້ນແມ່ນປະກອບຄຳເຫັນໃສ່ບັນດາກິດຈະກຳ, ທິດທາງແຜນການເພື່ອກະກຽມສະເຫຼີມສະຫຼອງວັນສຳຄັນຕ່າງໆ ຂອງສອງຊາດທີ່ຈະມາເຖິງນີ້.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200