ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

31May2019

   ໂດຍຕອບສະໜອງຕາມຄຳເຊີນ ຂອງ ສະມາຄົມ ມິດຕະພາບ ລາວ-ຫວຽດນາມ ຂັ້ນສູນກາງ, ຄະນະຜູ້ແທນ ສະມາຄົມ ມິດຕະພາບ ຫວຽດນາມ-ລາວ ຂັ້ນສູນກາງນຳໂດຍ ສະຫາຍ ປອ. ເຈິນ ວັນຕຸ້ຍ, ກຳມະການສູນກາງພັກ, ຄະນະປະຈຳສະພາແຫ່ງຊາດ, ຫົວໜ້າຄະນະຮັບຜິດຊອບວຽກງານຜູ້ແທນສະພາ, ຮອງຫົວໜ້າຄະນະ ຈັດຕັ້ງສູນກາງພັກ ກອມມູນິດຫວຽດນາມ, ປະທານສະມາຄົມມິດຕະພາບ ຫວຽດນາມ-ລາວ ຂັ້ນສູນກາງ ໄດ້ມາຢ້ຽມຢາມ ແລະ ເຮັດ ວຽກຢູ່ ສປປ ລາວ ແຕ່ວັນທີ 30 ພຶດສະພາ - 3 ມິຖຸນາ 2019.
   ໃນວັນທີ 31 ພຶດສະພາ 2019, ຄະນະຜູ້ແທນ ສະມາຄົມ ມິດຕະພາບສອງຝ່າຍ ໄດ້ພົບປະທີ່ນະຄອນຫຼວງ ວຽງຈັນ, ຝ່າຍ ລາວ ນຳໂດຍ ສະຫາຍ ປອ. ວິໄລວົງ ບຸດດາຄຳ, ກຳມະການສູນກາງພັກ, ຄະນະປະຈຳສະພາແຫ່ງຊາດ ຫົວໜ້າກຳມາທິການແຜນການ, ການເງິນ ແລະ ກວດສອບສະພາແຫ່ງຊາດ, ປະທານສະມາຄົມ ມິດຕະພາບ ລາວ-ຫວຽດນາມ ຂັ້ນສູນກາງ ແລະ ຝ່າຍ ຫວຽດນາມ ນຳໂດຍ ສະຫາຍ ປອ. ເຈິນ ວັນຕຸ້ຍ, ກຳມະການຄະນະບໍລິຫານງານ ສູນກາງພັກ, ຄະນະປະຈຳສະພາແຫ່ງຊາດ, ຫົວໜ້າຄະນະຮັບຜິດຊອບວຽກງານຜູ້ແທນສະພາ, ຮອງຫົວໜ້າຄະນະຈັດ ຕັ້ງສູນກາງພັກ, ປະທານສະມາຄົມ ມິດຕະພາບ ຫວຽດນາມ-ລາວ ຂັ້ນສູນກາງ. ໃນການພົບປະສອງຝ່າຍໄດ້ ແຈ້ງສະ ພາບການພົ້ນເດັ່ນ ການພັດທະນາເສດຖະກິດ-ສັງຄົມ ຂອງແຕ່ລະປະເທດໃຫ້ກັນຊາບ, ຕີລາຄາການພົວພັນຮ່ວມມືລະຫວ່າງສອງສະມາຄົມໃນໄລຍະຜ່ານມາ ແລະ ປຶກສາຫາລືກ່ຽວກັບແຜນການຮ່ວມມືໃນຕໍ່ໜ້າ ແລະ ບັນດາກິດຈະກຳທີ່ ສອງຝ່າຍຈະຮ່ວມກັນຈັດໃນໂອກາດວັນສຳຄັນຂອງສອງປະເທດ. ພ້ອມນັ້ນ ຍັງໄດ້ແລກປ່ຽນຂໍ້ມູນຂ່າວສານ ແລະ ສະ ພາບການໃນພາກພື້ນ ແລະ ສາກົນ ທີ່ສອງຝ່າຍມີຄວາມສົນໃຈ.
   ນອກຈາກພົບປະສອງຝ່າຍ ຄະນະຜູ້ແທນສະມາຄົມມິດຕະພາບຫວຽດນາມ-ລາວ ໄດ້ເຂົ້າຢ້ຽມຂ່ຳນັບ ສະຫາຍ ພັນຄຳ ວິພາວັນ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ແລະ ພົບປະກັບສະຫາຍ ປອ. ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ. ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີ ພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ - ຫວຽດນາມ ທີ່ນັບມື້ ໄດ້ຮັບການເສີມຂະຫຍາຍບໍ່ຢູດຢັ້ງ ທັງທາງກວ້າງ ແລະ ທາງເລິກ.
   ສະຫາຍ ພັນຄຳ ວິພາວັນ ໄດ້ຕີລາຄາສູງການຢ້ຽມຢາມ ຂອງ ຄະນະຜູ້ແທນສະມາຄົມ ມິດຕະພາບ ຫວຽດາມ-ລາວ ໃນຄັ້ງນີ້ ແລະ ເຊື່ອໝັ້ນວ່າ ສອງສະມາຄົມ ມິດຕະພາບ ຈະສືບຕໍ່ພົວພັນຮ່ວມມື, ຖອດຖອນບົດ ຮຽນນຳກັນ, ເພີ່ມທະວີການແລກປ່ຽນຂໍ້ມູນຂ່າວສານ ແລະ ແລກປ່ຽນທັດສະນະ ຕໍ່ບັນຫາທີ່ພົ້ນເດັ່ນໃນພາກພື້ນ ແລະ ສາກົນ
ພ້ອມກັນສືບຕໍ່ປະກອບສ່ວນເຂົ້າໃນພາລະກິດສັນຕິພາບ, ມິດຕະພາບ ແລະ ການຮ່ວມມື ໃນພາກພື້ນ ແລະ ສາກົນ.
   ໃນວັນດຽວກັນ, ສະຫາຍ ນ. ສູນທອນ ໄຊຍະຈັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕາງໜ້າ ໃຫ້ລັດຖະບານແຫ່ງ ສປປ ລາວ ໄດ້ປະດັບຫຼຽນໄຊມິດຕະພາບ, ເຊິ່ງເປັນຫຼຽນສູງສົ່ງຂອງລັດຖະບານແຫ່ງ ສປປ ລາວ ໃຫ້ແກ່ ສະມາຄົມ ມິດຕະພາບ ຫວຽດນາມ-ລາວ ຂັ້ນສູນກາງ ທີ່ໄດ້ມີຜົນງານ, ຄຸນງາມຄວາມດີອັນໃຫຍ່ຫຼວງໃນການປະກອບສ່ວນສຳຄັນໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ຕະຫຼອດມາ.
   ໃນພິທີປະດັບຫຼຽນໄຊ, ສະຫາຍ ປອ. ເຈິນ ວັນຕຸ້ຍ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງ ທີ່ລັດຖະບານແຫ່ງ ສປປ ລາວ ໄດ້ຕີລາຄາສູງຕໍ່ການປະກອບສ່ວນຂອງ ສະມາຄົມ ມິດຕະພາບ ຫວຽດນາມ-ລາວ ຕົກລົງມອບ ຫຼຽນໄຊມິດຕະພາບ ໃຫ້ແກ່ ສະມາຄົມ ມິດຕະພາບ ຫວຽດນາມ-ລາວ ເຊິ່ງເປັນກຳລັງອັນແຮງກ້າ ໃຫ້ແກ່ສະມາຄົມມິດຕະພາບ ຫວຽດນາມ-ລາວ ແລະ ສະແດງຄວາມຍິນດີຈະສືບຕໍ່ຮ່ວມມືກັບ ສະມາຄົມ ມິດຕະພາບ ລາວ-ຫວຽດນາມ ໃນການສືບ ຕໍ່ປະກອບສ່ວນເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ທີ່ໄດ້ຮັບການສ້າງຕັ້ງຂື້ນໂດຍ ປະທານໂຮ່ຈິມິນຜູ້ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງທີ່ເຄົາລົບຮັກ.
   ໃນໄລຍະຢ້ຽມຢາມ ສປປ ລາວ ນອກຈາກ ພົບປະເຮັດວຽກຢູ່ນະຄອນຫຼວງວຽງຈັນແລ້ວ ຄະນະຜູ້ແທນ ຫວຽດນາມ ຍັງໄດ້ ໄປເຂົ້າຮ່ວມພິທີມອບ-ຮັບ ເຮືອນມິດຕະພາບ ລາວ-ຫວຽດນາມ ໃຫ້ແກ່ແມ່ເຖົ້າກັນເຈຍ, ຢູ່ບ້ານໂພນ, ເມືອງລະມາມ, ແຂວງເຊກອງ, ເຊິ່ງເປັນໜຶ່ງໃນບຸກຄົນທີ່ໄດ້ເບິ່ງແຍງຊ່ວຍເຫຼືອທະຫານອາສາສະໝັກ ຫວຽດນາມ ທີ່ມາເຄື່ອນໄຫວສູ້ຮົບຢູ່ລາວ ໃນສະໄໝສົງຄາມເພືຶ່ອປົດປ່ອຍຊາດຂອງປະຊາຊົນລາວ. ພ້ອມນັ້ນ ຄະນະຍັງໄດ້ຢ້ຽມຊົມສະຖານທີ່ ທ່ອງທ່ຽວທາງທຳມະຊາດ, ວັດທະນາທຳ ແລະ ປະຫັວດ ສາດ ຢູ່ນະຄອນຫຼວງວຽງຈັນ ແລະ ບາງແຂວງຂອງ ສປປ ລາວ.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200