ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

22May19.122May19.2

   ໃນຕອນເຊົ້າວັນທີ 22/5/2019, ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາກຽ່ວກັບວັນສໍາຄັນຂອງຊາດ ແລະ ສາກົນຄື: ວິລະກຳຜ່າວົງປິດລ້ອມ ຂອງກອງພັນທີ 2 ວິລະຊົນ ຄົບຮອບ 60 ປີ; ວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 59 ປີ; ວັນໄຊຊະນະບັ້ນຮົບດຽນບຽນຟູ ຄົບຮອບ 65 ປີ; ວັນໄຊຊະນະຂອງສະຫະພາບໂຊວຽດ ໃນສົງຄາມໂລກຄັ້ງທີ 2 ຄົບຮອບ 74 ປີ; ວັນເກີດປະທານ ໂຮ່ຈີ່ມິນ ຄົບຮອບ 129 ປີ; ວັນເກີດທ່ານກາກມາກ ຄົບຮອບ 201 ປີ; ວັນກໍາມະກອນສາກົນ ຄົບຮອບ 133 ປີ, ໃຫ້ກຽດປາຖະກະຖາໂດຍ ສະຫາຍ ນາງ ສູນທອນ ໄຊຍະຈັກ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາສະຫາຍ ໃນຄະນະພັກ, ຄະນະກົມ, ພະແນກ ແລະ ພະນັກງານວິຊາການ ພາຍໃນ ຄະນະພົວພັນຕ່າງປະເທດສູນກາງພັກ ເຂົ້າຮ່ວມຮັບຟັງຢ່າງພ້ອມພຽງ.
   ໃນການປາຖະກະຖາໃນຄັ້ງນີ້ ສະຫາຍ ນາງ ສູນທອນ ໄຊຍະຈັກ, ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ເລົ່າຄືນ ໂດຍຫຍໍ້ກຽ່ວກັບປະຫວັດມູນເຊື້ອ ວິລະກໍາອັນລໍ້າເລີດ ຂອງກອງທັບປະຊາຊົນ ປະຕິວັດລາວ ພາຍໃຕ້ການນໍາພາອັນຖືກຕ້ອງ ແລະ ສະຫຼາດສ່ອງໃສ ຂອງພັກ ໃນການຕໍ່ສູ້ກູ້ຊາດ ຕ້ານກັບພວກລ່າເມືອງຂຶ້ນແບບເກົ່າ ແລະ ແບບໃໝ່ ຢ່າງທໍລະຫົດອົດທົນ ຄຽງບ່າຄຽງໄຫລ່ກັບ ປະຊາຊົນລາວບັນດາເຜົ່າ ເພື່ອຍາດເອົາໄຊຊະນະ ມາສູ່ປະຊາຊົນລາວບັນດາເຜົ່າ; ຍັງໄດ້ຍົກໃຫ້ເຫັນຄວາມໝາຍ, ຄວາມສຳຄັນຄວາມເປັນມາ ຂອງມູນເຊື້ອຮ່ວມສຳພັນສູ້ຮົບລະຫວ່າງລາວ - ຫວຽດນາມ ທີ່ໄດ້ຮ່ວມຂຸມຄອງອັນດຽວກັນ, ປະສານສົມທົບ ແລະ ອຸດໜູນຊຶ່ງກັນ ແລະ ກັນ ຕ້ານກັບສັດຕູໂຕດຽວກັນ ຈົນສາມາດບັງຄັບໃຫ້ຝຣັ່ງ ຈຳຕ້ອງເຊັນສັນຍາເຊີແນວກ່ຽວກັບອິນດູຈີນໃນປີ 1954, ຮັບຮູ້ຄວາມເປັນເອກະລາດແຫ່ງຊາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ 3 ຊາດ ລາວ - ຫວຽດນາມ ແລະ ກໍາປູເຈຍ.
   ຈາກນັ້ນ, ສະຫາຍຫົວໜ້າ ຄະນະພົວພັນຕ່າງປະເທດສູນກາງພັກ ຍັງຍົກໃຫ້ເຫັນເຖິງຊີວິດ ແລະ ການເຄື່ອນໄຫວປະຕິວັດຂອງ ປະທານ ໂຮ່ຈີ່ມິນ ແລະ ທ່ານ ກາກມາກ, ການປະກອບສ່ວນອັນສຳຄັນຂອງພວກເພິ່ນ ໃນຂະບວນການຕໍ່ສູ້ຂອງຊົນຊັ້ນກຳມະກອນ ເພື່ອຍາດເອົາເອກະລາດອຳນາດມາໃຫ້ແກ່ຊາວຜູ້ອອກແຮງງານໃນປະເທດຕ່າງໆ ຂອງໂລກ; ສະຫາຍ ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ຍົກໃຫ້ເຫັນເຖິງ ຄວາມໝາຍສຳຄັນຂອງວັນໄຊຊະນະສະຫະພາບໂຊວຽດ ໃນມະຫາສົງຄາມປ້ອງກັນປິຕິພູມ ແລະ ຄວາມໝາຍຂອງໄຊຊະນະດັ່ງກ່າວ ສໍາລັບປະຊາຊົນທີຮັກຫອມສັນຕິພາບໃນໂລກ ແລະ ໃນຕອນທ້າຍສະຫາຍ ຫົວໜ້າຄະນະພົວພັນຕ່າງປະເທດໄດ້ຍົກໃຫ້ເຫັນຄວາມໝາຍສຳຄັນຂອງວັນກຳມະກອນສາກົນ ວັນທີ 1 ພຶດສະພາ ປີ 1886 ເຊິ່ງເປັນຂີດໝາຍ ແຫ່ງໄຊຊະນະ ຂອງຊົນຊັ້ນກຳມະກອນ ໃນຂະບວນການຕໍ່ສູ້ ເພື່ອປົກປັກຮັກສາສິດ ແລະ ຜົນປະໂຫຍດອັນຊອບທຳຂອງຕົນ.
   ຜ່ານການຮັບຟັງປາຖະກະຖາໃນຄັ້ງນີ້ ເຮັດໃຫ້ພະນັກງານທົ່ວຄະນະພົວພັນຕ່າງປະເທດສູນກາງພັກ ເຫັນໄດ້ ແລະ ເຂົ້າໃຈເຖິງມູນເຊື້ອອັນພິລະອາດຫານຂອງກອງທັບ ແລະ ປະຊາຊົນລາວໃນການຕໍ່ສູ້ ເພື່ອເອກະລາດແຫ່ງຊາດ, ບັນດາເຫດການທີ່ສຳຄັນຕ່າງໆຂອງສາກົນ, ຮັບຮູ້ໄດ້ຜົນງານ ການເຄື່ອນໄຫວປະຕິວັດ ຂອງບັນດາຜູ້ນຳທີ່ມີຊື່ສຽງຂອງໂລກ.

party x

ສະຖິຕິຜູ້ເຂົ້າຊົມ

169914
Today223
Yesterday296
This_Week519
This_Month5479
All_Days169914