ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

 

20 Feb 2020

        ໃນຕອນເຊົ້າຂອງວັນທີ 20/02/2020, ຄະນະພົວພັນຕ່າງປະເທດສູນກາງພັກໄດ້ຈັດປາຖະກະຖາເຊື່ອມຊຶມເອກະສານຄື: ຂໍ້ກໍານົດຂອງຄະນະກວດກາສູນກາງພັກວ່າດ້ວຍການຄົ້ນຄວ້າພິຈາລະນາແກ້ໄຂຄໍາຮ້ອງຟ້ອງ, ຮ້ອງທຸກ ແລະ ຄໍາສະເໜີ; ຄໍາສັ່ງຂອງກົມການເມືອງສູນກາງພັກ ເລກທີ 095/ກມສພ, ລົງວັນທີ 22 ມັງກອນ 2020 ວ່າດ້ວຍການກະກຽມ ແລະ ສະເຫຼີມສະຫຼອງບັນດາວັນສໍາຄັນປະຫວັດສາດ ໃນປີ 2020; ເອກະສານວັນສ້າງຕັ້ງ ພັກກອມມູນິດຫວຽດນາມ ຄົບຮອບ 90 ປີ; ມູນເຊື້ອການກໍາເນີດ ກອງທັບປະຊາຊົນລາວ ຄົບຮອບ 71 ປີ ແລະ ມູນເຊື້ອການກໍາເນີດ ຂອງອົງການຈັດຕັ້ງກໍາມະບານລາວ ຄົບຮອບ 64 ປີ, ເຊິ່ງໃຫ້ກຽດປາຖະກະຖາໂດຍ ສະຫາຍ ປອ ນາງ ສູນທອນ ໄຊຍະຈັກ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ.ໃນການປາຖະກະຖາໃນຄັ້ງນີ້ມີບັນດາສະຫາຍ ໃນຄະນະພັກ, ຄະນະກົມ, ພະແນກ ແລະ ພະນັກງານວິຊາການພາຍໃນຄະນະພົວພັນຕ່າງປະເທດສູນກາງພັກ ເຂົ້າຮ່ວມຮັບຟັງຢ່າງພ້ອມພຽງ.
         ໃນການປາຖະກະຖາໃນຄັ້ງນີ້, ສະຫາຍ ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ເຜີຍແຜ່ຂໍ້ກໍານົດ ຂອງ ຄະນະກວດກາສູນກາງພັກ ສະບັບເລກທີ 398/ຄກສພ, ລົງວັນທີ 26 ກັນຍາ 2019 ວ່າດ້ວຍການຄົ້ນຄວ້າພິຈາລະນາ ແກ້ໄຂຄໍາຮ້ອງຟ້ອງ, ຮ້ອງທຸກ ແລະ ຄໍາສະເໜີ, ເຊິ່ງສະຫາຍ ໄດ້ເນັ້ນໜັກເຖິງຈຸດປະສົງ, ຫຼັກການ, ລະບຽບການ ແລະ ມາດຕະການ ກ່ຽວກັບການຄົ້ນຄວ້າພິຈາລະນາແກ້ໄຂຄໍາຮ້ອງຟ້ອງ, ຮ້ອງທຸກ ຕໍ່ການຈັດຕັ້ງພັກ - ລັດ, ສະມາຊິກພັກ-ພະນັກງານ, ນິຕິບຸກຄົນ, ບຸກຄົນ ແລະ ເປັນການປົກປ້ອງສິດຜົນປະໂຫຍດອັນຊອບທໍາຂອງຕົນ. ສະຫາຍ ຫົວໜ້າ ຄຕພ ຍັງໄດ້ສືບຕໍ່ເຜີຍແຜ່ ຄໍາສັ່ງຂອງກົມການເມືອງສູນກາງພັກ ກ່ຽວກັບການກະກຽມສະເຫຼີມສະຫຼອງ ບັນດາວັນສໍາຄັນປະຫວັດສາດ ລະດັບຊາດ ໃນປີ 2020 ເພື່ອໃຫ້ເປັນເອກະພາບກັນໃນການຈັດຕັ້ງປະຕິບັດ. ພ້ອມນີ້, ໄດ້ສືບຕໍ່ບັນຍາຍ ເອກະສານມູນເຊື້ອວັນສ້າງຕັ້ງພັກ ກອມມູນິດ ຫວຽດນາມ ຄົບຮອບ 90 ປີ, ຜົນງານການນໍາພາ ຂອງພັກກອມມູນິດ ຫວຽດນາມ, ການພົວພັນຮ່ວມມື, ຄວາມສາມັກຄີພິເສດລະຫວ່າງ ລາວ - ຫວຽດນາມ ອ້າຍນ້ອງ ໄດ້ກາຍເປັນມູນເຊື້ອອັນຈົບງາມ, ເປັນມໍລະດົກ ຂອງທັງ 2 ປະເທດ ຈົນມາເຖິງປັດຈຸບັນນີ້.
         ໃນໂອກາດດຽວກັນນີ້, ສະຫາຍ ຫົວໜ້າ ຄຕພ ຍັງໄດ້ຫວນຄືນເຖິງຕົ້ນກໍາເນີດການເຕີບໃຫຍ່ຂະຫຍາຍຕົວ ແລະ ຜົນງານວິລະກຳ ອັນພິລາດອາດຫານ ຂອງກອງທັບປະຊາຊົນລາວ ຕະຫຼອດໄລຍະ 71 ປີ ຜ່ານມາ ພາຍໃຕ້ການຊີ້ນຳ - ນຳພາຂອງພັກ ປະຊາຊົນ ປະຕິວັດລາວໃນພາລະກິດຕໍ່ສູ້ກູ້ຊາດ ສາມາດຍາດມາໄດ້ໄຊຊະນະຢ່າງເນືອງນິດລຽນຕິດ ສາມາດປົດປ່ອຍປະເທດຊາດໄດ້ຢ່າງສົມບູນ; ໄດ້ຫວນຄືນມູນເຊື້ອ, ປະຫວັດສາດຄວາມເປັນມາ ແລະ ການເຕີບໃຫຍ່ຂະຫຍາຍຕົວ ຂອງອົງການຈັດຕັ້ງກໍາມະບານລາວ ໂດຍຍົກໃຫ້ເປັນເຖິງມູນເຊື້ອການຕໍ່ສູ້ກູ້ຊາດ ຂອງຊົນຊັ້ນກໍາມະກອນ ແລະ ຊາວຜູ້ອອກແຮງງານລາວ ບັນດາເຜົ່າ ໃນການປະກອບສ່ວນສ້າງສາປະເທດຊາດ ແລະ ບາງຜົນງານທີ່ພົ້ນເດັ່ນໃນການຈັດຕັ້ງປະຕິບັດ ມະຕິກອງປະຊຸມຄົບຄະນະບໍລິຫານງານສູນກາງສະຫະພັນກໍາມະບານລາວ ຄັ້ງທີ 5 ສະໄໝທີ 7 ແລະ ທິດທາງແຜນການໃນປີ 2020.
          ການຈັດຕັ້ງເຊື່ອມຊຶມເອກະສານສໍາຄັນດັ່ງກ່າວ ໄດ້ເປັນໂອກາດທີ່ດີໃຫ້ແກ່ພະນັກງານ ຄຕພ ກໍາໄດ້ເນື້ອໃນສໍາຄັນຂອງການຮ້ອງຟ້ອງ, ຮ້ອງທຸກ; ຜົນງານການນໍາພາຂອງພັກກອມມູນິດຫວຽດນາມ;ຕົ້ນກໍາເນີດການເຕີບໃຫຍ່ຂະຫຍາຍຕົວ ແລະ ຜົນງານວິລະກໍາອັນພິລະອາດຫານຂອງກອງທັບ ປະຊາຊົນລາວ; ມູນເຊື້ອການກໍາເນີດ ຂອງກໍາມະບານລາວ ພາຍໃຕ້ການນໍາພາອັນຖືກຕ້ອງຂອງພັກ ປປ ລາວ.

 

18 02 2020

 

ໃນຕອນເຊົ້າ ວັນທີ 18 ກຸມພາ 2020, ຄະນະພົວພັນຕ່າງປະເທດສູນກາງພັກໄດ້ເປັນເຈົ້າພາບຈັດກອງປະຊຸມສະຫຼຸບຖອດຖອນບົດຮຽນການເຄື່ອນໄຫວຕ່າງປະເທດຂອງບັນດາອົງການພັກ, ສູນ​ກາງ​ແນວ​ລາວ​ສ້າງ​ຊາດແລະ ​ບັນ​ດາອົງການຈັດຕັ້ງມະຫາຊົນຂັ້ນສູນກາງ ປະຈຳປີ 2019 ແລະ ວາງທິດທາງແຜນການໃນປີ 2020 ໂດຍການເປັນປະທານຂອງ ສະຫາຍ ປອ. ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນຕ່າງ ປະເທດສູນກາງພັກ ແລະ ມີບັນດາຄະນະນໍາ, ຄະນະກົມ ແລະ ພະນັກງານທີ່ກ່ຽວຂ້ອງຈາກ ອົງການຈັດຕັ້ງຕ່າງໆ ເຂົ້າຮ່ວມຈຳນວນ100 ສະຫາຍ.

ໃນກອງປະຊຸມ ສະຫາຍ ສົມພອນ ສີຈະເລີນ, ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ຂຶ້ນຜ່ານບົດສະຫຼຸບສັງລວມກ່ຽວກັບການເຄື່ອນໄຫວວຽກງານການຕ່າງປະເທດຂອງພັກ ແລະ ການທູດປະຊາຊົນໃນໄລຍະຜ່ານມາ, ເຊິ່ງເປັນຊ່ວງເວລາທີ່ສະພາບການຢູ່ໃນພາກພື້ນ ແລະ ສາກົນ ຍັງສຶບຕໍ່ມີການປ່ຽນແປງຢ່າງໄວວາ ແລະ ສັບສົນ, ໂດຍໄດ້ຕີລາຄາດ້ານດີ, ດ້ານຄົງຄ້າງ, ບົດຮຽນທີ່ຖອດຖອນໄດ້ ແລະ ສະເໜີທິດທາງແຜນການເຄື່ອນໄຫວໃນປີຕໍ່ໜ້າຂອງບັນດາອົງການຈັດຕັ້ງດັ່ງກ່າວ. ນອກຈາກນັ້ນ, ບັນດາຜູ້ແທນເຂົ້າຮ່ວມກອງປະຊຸມໄດ້ແລກປ່ຽນຄວາມຄິດເຫັນຢ່າງ​ກົງ​ໄປ​ກົງ​ມາກ່ຽວກັບການຈັດຕັ້ງປະຕິບັດການເຄື່ອນໄຫວວຽກງານການຕ່າງປະເທດຂອງພັກ, ສູນກາງແນວລາວສ້າງຊາດ ແລະ ບັນດາອົງການຈັດຕັ້ງມະຫາຊົນຂັ້ນສູນກາງ ໂດຍເນັ້ນເຖິງຄວ​າມສໍາຄັນ ແລະ ຈໍາເປັນໃນການເພີ່ມທະວີການເປັນເສນາທິການໃຫ້ແກ່ສູນກາງພັກ, ໃນການພົວພັນ​ປະສານງານໃນເຄື່ອນໄຫວຕ່າງປະເທດ ແລະ ປຶກສາຫາລືກ່ຽວກັບການນຳໃຊ້ງົບປະມານ ແລະ ອື່ນໆ.

ໃນກອງປະຊຸມຄັ້ງນີ້, ສະຫາຍ ປອ. ນາງ ສູນທອນ ໄຊຍະຈັກ ໄດ້ໃຫ້ການໂອ້ລົມຕໍ່ກອງປະຊຸມ ໂດຍໄດ້ສະແດງຊົມເຊີຍ ແລະ ຕີລາຄາສູງຕໍ່ຜົນງານ, ຜົນສໍາເລັດຂອງການເຄື່ອນໄຫວການຕ່າງປະເທດຂອງພັກ ແລະ ການທູດປະຊາຊົນ ທີ່ຍາດມາໄດ້ໃນໄລຍະ 01 ປີ ຜ່ານມາ, ໂດຍເນັ້ນເຖິງຄວາມຈໍາເປັນໃນການເປີດກວ້າງການພົວພັນກັບຕ່າງປະເທດ, ການໂຄສະນາຕໍ່ຕ່າງປະເທດໃນເງື່ອນໄຂທີ່ ສປປ ລາວ ພວມມີການເຊື່ອມໂຍງກັບພາກພື້ນ ແລະ ສາກົນ, ບົນພື້ນຖານປະຕິບັດແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ ເພື່ອປະກອບສ່ວນໃນການສ້າງສະພາບແວບລ້ອມສາກົນທີ່ອໍານວຍຄວາມສະດວກແກ່ການປົກປັກຮັກສາ ແລະ ພັດທະນາປະເທດຊາດ, ສືບຕໍ່ຍົກສູງຖານະບົດບາດຂອງພັກ, ລັດເຮົາໃນເວທີພາກພື້ນ ແລະ ສາກົນ.

06 Feb 2020

     ໃນຕອນບ່າຍຂອງວັນທີ 5 ກຸມພາ 2020, ທີ່ສໍານັກງານຄະນະພົວພັນຕ່າງປະເທດສູນກາງພັກ, ທ່ານ ປອ. ນາງ ສູນທອນ ໄຊຍະຈັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບອໍາລາ ຂອງທ່ານ ອານາ      ອິມມານອຟ໌, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ອາເຊັກໄບຊານ ປະຈໍາ ສປປ ລາວ ທີ່ມີສໍານັກງານຕັ້ງຢູ່ນະຄອນຫຼວງຮ່າໂນ້ຍ, ສສ ຫວຽດນາມ.

      ໃນໂອກາດນີ້, ທ່ານ ປອ. ນາງ ສູນທອນ ໄຊຍະຈັກ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດໃນການປະຕິບັດໜ້າທີ່ຂອງທ່ານທູດ ຕະຫຼອດໄລຍະ 6 ປີຜ່ານມາ, ຊຶ່ງເປັນການປະກອບສ່ວນອັນສໍາຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງພັກ ເເລະ ສອງປະເທດ ໃຫ້ມີຄວາມແໜ້ນແຟ້ນຍິ່ງໆຂຶ້ນ, ທັງເຊື້ອໝັ້ນວ່າ ພາຍຫຼັງຈົບປະຈໍາການ ແລະ ເດີນທາງກັບຄືນປະເທດ, ທ່ານທູດ ຍັງຈະສືບຕໍ່ປະກອບສ່ວນສະໜັບສະໜູນຕໍ່ ສປປ ລາວ ກໍ່ຄື ການຊຸກຍູ້ສົ່ງເສີມສາຍພົວພັນມິດຕະພາບ ແລະ ການຮ່ວມມື ລະຫວ່າງ ປະຊາຊົນສອງປະເທດ ລາວ ແລະ ອາເຊັກໄບຊານ ໃຫ້ເປັນຮູບປະທໍາຫຼາຍຂຶ້ນ ເພື່ອຜົນປະໂຫຍດລວມຂອງປະຊາຊົນສອງຊາດ ກໍ່ຄື ເພື່ອສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
ທ່ານ ອານາ ອິມມານອຟ໌ ໄດ້ສະແດງຄວາມຂອບໃຈມາຍັງການນໍາຂອງພັກ-ລັດ ສປປ ລາວ ກໍ່ຄື ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ທີ່ໄດ້ໃຫ້ການຮ່ວມມື, ສະໜັບສະໜູນ ແລະ ອໍານວຍຄວາມສະດວກເປັນຢ່າງດີ ຕະຫຼອດໄລຍະການປະຕິບັດໜ້າທີ່ການທູດ ຢູ່ ສປປ ລາວ ຈົນໄດ້ຮັບຜົນສໍາເລັດອັນຈົບງາມ ແລະ ຈະສືບຕໍ່ໃຫ້ການຮ່ວມມືໃນທຸກດ້ານ ເພື່ອປະກອບສ່ວນເຂົ້າໃນການ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ - ອາແຊັກໄບຊານ ໃຫ້ເກີດດອກອອກຜົນ ແລະ ເປັນຮູບປະທໍາຫຼາຍຍິ່ງຂຶ້ນ.
      ໃນຕອນທ້າຍ, ທ່ານ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ອວຍພອນໃຫ້ທ່ານທູດ ຈົ່ງມີສຸຂະພາບເຂັ້ມແຂງ, ພະລານາໄມສົມບູນ ແລະ ປະສົບຜົນສຳເລັດທຸກປະການໃນໜ້າທີ່ວຽກງານອັນໃໝ່ຂອງຕົນ ແລະ ເດີນທາງກັບຄືນປະເທດດ້ວຍຄວາມສະຫວັດດີພາບ.

 2020 01 16 at 2.43.11 PM2020 01 16 at 2.43.11 PM 1

   ໃນຕອນເຊົ້າຂອງວັນທີ 16/01/2020, ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາເຊື່ອມຊຶມ ເອກະສານການເມືອງສຳຄັນຂອງພັກ ຄື: ມະຕິຂອງກົມການເມືອງສູນກາງພັກ ວ່າດ້ວຍລະບອບການຮໍ່າຮຽນທິດສະດີການເມືອງ, ມະຕິວ່າດ້ວຍ ການສ້າງແຜນກໍ່ສ້າງ - ບໍາລຸງພະນັກງານ ນໍາພາຄຸ້ມຄອງ, ຂໍ້ກໍານົດ ຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ ແລະ ຄໍາແນະນໍາຂອງ ຄະນະຈັດຕັ້ງສູນ ກາງພັກ ກ່ຽວກັບການຈັດຕັ້ງປະຕິບັດມະຕິ ຂອງກົມການເມືອງສູນກາງພັກ ວ່າດ້ວຍລະບອບການຮໍ່າຮຽນທິດສະດີການເມືອງ, ການສ້າງແຜນກໍ່ ສ້າງ-ບໍາລຸງພະນັກງານນໍາພາຄຸ້ມຄອງ ແລະ ຂໍ້ກໍານົດຂອງ ຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ, ເຊິ່ງໃຫ້ກຽດ ປາຖະກະຖາໂດຍ  ສະຫາຍ ປອ ນາງ ສູນທອນ ໄຊຍະຈັກ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນ ຕ່າງປະເທດສູນກາງພັກ. ໃນການປາຖະກະຖາໃນຄັ້ງນີ້ມີບັນດາສະຫາຍ ໃນຄະນະພັກ, ຄະນະກົມ, ພະແນກ ແລະ ພະນັກງານວິຊາການພາຍໃນຄະນະພົວພັນຕ່າງປະເທດສູນ ກາງພັກ ເຂົ້າຮ່ວມຮັບຟັງຢ່າງພ້ອມພຽງ.
   ໃນການປາຖະກະຖາໃນຄັ້ງນີ້, ສະຫາຍ ຫົວໜ້າ ຄະນະພົວພັນຕ່າງປະເທດສູນກາງພັກ ໄດ້ຍົກໃຫ້ເຫັນເຖິງຈຸດປະສົງ, ຄວາມໝາຍສຳຄັນ, ຫຼັກການ ແລະ ເນື້ອໃນຂອງວຽກງານກໍ່ສ້າງ - ບໍາລຸງພະນັກງານນໍາພາຄຸ້ມຄອງ ແລະ  ການຢັ້ງຢືນລະດັບທິດສະດີການເມືອງ  ກໍ່ຄືກ່ຽວກັບລະບອບການຮໍ່າ ຮຽນທິດສະດີການເມືອງ  ໃຫ້ແກ່ພະນັກງານ - ລັດຖະກອນໃນໄລຍະໃໝ່.

   ການຈັດຕັ້ງເຊື່ອມຊຶມເອກະສານສໍາຄັນດັ່ງກ່າວ ໄດ້ເປັນໂອກາດທີ່ດີໃຫ້ແກ່ພະນັກງານ ຄຕພ ໄດ້ມີຄວາມຮັບຮູ້, ເຂົ້າໃຈເປັນເອກະພາບພາຍໃນ ການຈັດຕັ້ງປະຕິບັດ ກ່ຽວກັບການຢັ້ງຢືນ ແລະ ທຽບລະດັບທິດສະດີການເມືອງ ແລະ ການສ້າງແຜນກໍ່ສ້າງ-ບໍາລຸງພະນັກງານນໍາພາຄຸ້ມຄອງ ທີ່ຕິດ ພັນກັບແຜນກໍານົດພະນັກງານເພື່ອສາມາດຮັບປະກັນຄຸນນະພາບໃນການສ້າງພະນັກງານຕາມມາດຖານຕໍາແໜ່ງງານທີ່ພັກ,ລັດຖະບານວາງອອກ.

 

 

2020 01 16 at 2.42.05 PM

   ໃນຕອນເຊົ້າຂອງວັນທີ 14 ມັງກອນ 2020, ຢູ່ທີ່ສໍານັກງານຄະນະພົວພັນຕ່າງປະເທດສູນກາງພັກ, ທ່ານ ປອ ນ. ສູນທອນ ໄຊຍະຈັກ, ກໍາມະການ ສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອໍາລາ ຂອງ ທ່ານ ນາງ ເຣນາ ບິດເຕີ, ເອກ ອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສ. ອາເມຣິກາ ປະຈໍາ ສປປ ລາວ.
   ໃນການພົບປະ, ທ່ານ ປອ ນ. ສູນທອນ ໄຊຍະຈັກ, ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ໄດ້ສະແດງຄວາມຊົມເຊີຍອວຍ ພອນຕໍ່ຜົນສໍາເລັດຂອງທ່ານທູດອາເມຣິກາ ໃນການປະຕິບັດໜ້າທີ່ການທູດຢ່າງຫ້າວຫັນຢູ່ ສປປ ລາວ ເປັນເວລາສອງປີກ່ວາ ຊຶ່ງເປັນການປະກອບ ສ່ວນອັນສໍາຄັນເຂົ້າໃນການເສີມສ້າງສາຍພົວພັນອັນດີງາມ ລະຫວ່າງ ສອງປະເທດ ລາວ-ອາເມຣິກາ ໃຫ້ມີການຂະຫຍາຍຕົວ ໂດຍສະເພາະໄດ້ຊຸກຍູ້ ການຮ່ວມມືໃນດ້ານ UXO ແລະ ການຊອກຄົ້ນຊາກກະດູກຂອງທະຫານອາເມຣິກາທີ່ຫາຍສາບສູນໃນສົງຄາມຢູ່ລາວ ແລະ ການຮ່ວມມືໃນບັນດາ ໂຄງການ ແລະ ຂະ  ແໜງການຂອງ ສປປ ລາວ; ໄດ້ສະແດງຄວາມຂອບໃຈຕໍ່ລັດຖະບານອາເມຣິກາທີ່ໄດ້ມີການສະໜັບສະໜູນ ແລະ ຊ່ວຍເຫຼືອລາວ ເພື່ອປະກອບສ່ວນເຂົ້າໃນການພັດທະນາປະເທດຊາດຂອງລາວ ໃນໄລຍະຜ່ານມາ. ພ້ອມດຽວກັນ ທ່ານຫົວໜ້າຄະນະພົວພັນຕ່າງປະເທດສູນກາງພັກ ໄດ້ສະແດງຄວາມຂອບໃຈ ແລະ ອວຍພອນໄຊໃຫ້ທ່ານທູດອາເມຣິກາ ມີສຸຂະພາບເຂັ້ມແຂງ, ປະສົບຜົນສໍາເລັດໃນໜ້າທີ່ວຽກງານ ແລະ ເດີນທາງກັບ ຄືນປະເທດດ້ວຍຄວາມສະຫວັດດີພາບ.

   ໃນໂອກາດນີ້, ທ່ານທູດ ເຣນາ ບິດເຕີ ໄດ້ສະແດງຄວາມຂອບໃຈມາຍັງພັກ ແລະ ລັດຖະບານລາວ ແລະ ຄະນະພົວພັນຕ່າງປະເທດສູນກາງພັກ ທີ່ໃຫ້ການສະໜັບສະໜູນ, ການຮ່ວມມື ແລະ ອໍານວຍຄວາມສະດວກດ້ານຕ່າງໆ ໃຫ້ແກ່ການເຄື່ອນໄຫວວຽກງານການທູດຂອງ ທ່ານມີຜົນສໍາເລັດ ໃນໄລຍະຜ່ານມາ ແລະ ຢືນຢັນວ່າ ຈະສືບຕໍ່ຊຸກຍູ້ການພົວພັນຮ່ວມມືອັນດີງາມ ລະຫວ່າງ ສອງປະເທດ ອາເມຣິກາ-ລາວ, ໂດຍສະເພາະ ການຮ່ວມມື ຊ່ວຍເຫຼືອບັນດາໂຄງການ ແລະ ຂະແໜງການຕ່າງໆຂອງສອງຝ່າຍ ໃຫ້ມີການເຕີບໃຫຍ່ຂະຫຍາຍຕົວ ແລະ ໄດ້ຮັບຜົນສໍາເລັດຢ່າງຕໍ່ເນື່ອງ, ປະກອບ ສ່ວນເຂົ້າໃນການນໍາເອົາປະເທດລາວອອກຈາກສະຖານະດ້ອຍພັດທະນາໃນຕໍ່ໜ້າ.

DSC 60401DSC 6042

   ໃນຕອນເຊົ້າຂອງວັນທີ 17 ທັນວາ 2019, ທີ່ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດປາຖະກະຖາເຜີຍ ແຜ່ເຊື່ອມຊຶມເອກສານສໍາຄັນຂອງພັກ, ຂອງຊາດ ຄື: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ IX  ສະໄໝທີ X; ວັນສະຖາປະນາ ສປປ ລາວ ຄົບຮອບ 44 ປີ; ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 99 ປີ ແລະ ເອກະສານມະຕິຂອງ ກົມການເມືອງວ່າດ້ວຍການຄົ້ນຄວ້າ ແນວຄິດປະທານ ໄກສອນ ພົມວິຫານ, ໂດຍການໃຫ້ກຽດປາຖະກະ ຖາ ຂອງສະຫາຍ ປອ.ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະ ເທດສູນກາງພັກ, ມີການເຂົ້າຮ່ວມຂອງບັນດາ ສະຫາຍຄະນະພັກ, ຄະນະກົມ ແລະ ພະນັກງານຂອງຄະນະພົວພັນຕ່າງປະເທດ ສູນກາງພັກ ຢ່າງພ້ອມພຽງ.
   ໃນການປາຖະກະຖາໃນຄັ້ງນີ້, ສະຫາຍຫົວໜ້າ ຄຕພ ໄດ້ເນັ້ນໜັກເຖິງເນື້ອໃນຂອງກອງປະຊຸມຄົບຄະນະບໍລິຫານງານສູນ ກາງພັກ ປປ ລາວ ຄັ້ງທີ IX ສະໄໝທີ X ມີດັ່ງນີ້:  ຜົນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບ ປະມານເງິນຕາ ປະຈຳປີ 2019 ແລະ ທິດທາງແຜນການໃນປີ 2020;  ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດ;  ວຽກງານແນວໂຮມ ແລະ ວຽກງານອົງການຈັດຕັ້ງມະຫາຊົນ; ການກະກຽມ ແລະ ການດຳເນີນກອງປະຊຸມ ໃຫຍ່ 3 ຂັ້ນ ຂອງພັກ;  ຍົກສູງຄວາມຮັບຜິດຊອບໃນການຄົ້ນຄວ້າປະກອບຄຳເຫັນຂອງຄະນະບໍລິຫານງານສູນກາງພັກ ໃສ່ບົດ ຮ່າງລາຍງານການເມືອງຕໍ່ກອງປະຊຸມໃຫຍ່ຄັ້ງທີ XI ຂອງພັກ ແລະ ບາງໜ້າທີ່ຈຸດສຸມ ຂອງການຊີ້ນໍາໆພາ ຂອງຄະນະບໍລິຫານ ງານສູນກາງພັກ ໃນຕໍ່ໜ້າ.
   ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ໄດ້ຊີ້ໃຫ້ເຫັນປະຫວັດ, ຄຸນງາມຄວາມດີ,  ຊີວິດການເຄື່ອນໄຫວປະຕິ ວັດ ຂອງປະທານ ໄກສອນ ພົມວິຫານ, ຜູ້ນຳທີ່ດີເດັ່ນຂອງປະຊາຊົນລາວ, ເປັນຜູ້ທີ່ກໍ່ຕັ້ງພັກ ປປ ລາວ ແລະ ສປປ ລາວ; ໄດ້ຍົກ ໃຫ້ເຫັນເຖິງຄວາມໝາຍຄວາມສໍາຄັນຂອງ ວັນຊາດວັນທີ 2 ທັນວາ 1975 ເຊິ່ງເປັນວັນໄຊຊະນະອັນຍິ່ງໃຫຍ່ ໃນປະຫວັດສາດ ແຫ່ງການຕໍ່ສູ້, ສະແດງໃຫ້ເຫັນມູນເຊື້ອອັນອົງອາດກ້າຫານຂອງບັນພະບູລຸດ ແລະ ຄວາມສາມັກຄີຂອງປະຊາຊົນລາວ ບັນດາ ເຜົ່າໃນການຕໍ່ສູ້ຕ້ານການຮຸກຮານຂອງພວກຈັກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່ ແລະ ຍົກໃຫ້ເຫັນຜົນສໍາເລັດ ຂອງ ສປປ ລາວ ຕະຫຼອດໄລຍະ 44 ປີ ທີ່ຜ່ານມາ.
   ໃນການຖາຖະກະຖາຄັ້ງນີ້ ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ເນັ້ນໜັກເຖິງ ຄວາມຈຳເປັນພາວະ ວິໃສໃນການຄົ້ນຄວ້າແນວຄິດປະທານ ໄກສອນ ພົມວິຫານ, ການປະກອບສ່ວນອັນໃຫຍ່ຫຼວງຂອງ  ປະທານ ໄກສອນ ພົມວິຫານ ຕໍ່ພາລະກິດປະຕິວັດຂອງ ລາວ.
   ການຈັດຕັ້ງປາຖະກະຖາ ເປັນການຊ່ວຍ ໃຫ້ ພະນັກງານ ຄະນະພົວພັນຕ່າງປະເທດສູນກາງພັກ ມີຄວາມເຂົ້າໃຈຕື່ມສະພາບ ຄວາມເປັນຈິງຂອງປະເທດເຮົາ, ທັງເປັນການສ້າງຄວາມເຊື້່ອໜັ້ນໃຫ້ແກ່ພະນັກງານ ໃນການປະຕິບັດໜ້າທີ່ຂອງຕົນ.

party x

ສະຖິຕິຜູ້ເຂົ້າຊົມ

201756
Today248
Yesterday224
This_Week1501
This_Month8833
All_Days201756