ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

ຊາວໜຸ່ມ ຄະນະພົວພັນຕ່າງປະເທດສູນກາງພັກ ເປີດກອງປະຊຸມໃຫຍ່ ຄັ້ງທີ I

      ກອງ​ປະ​ຊຸມ​ໃຫ​ຍ່ຊາວ​ໜຸ່ມ​ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ຄັ້ງ​ທີ I ໄດ້​ໄຂ​ຂື້ນ​ຢ່າງ​ເປັນ​ທາງ​ການໃນວັນ​ທີ 3 ກໍ​ລະ​ກົດ 2020 ທີ່ສຳນັກງານຄະນະພົວພັນຕ່າງປະເທດສູນກາງພັກ ພາຍໃຕ້ການເປັນປະທານຂອງສະ​ຫາຍ ​ຄຳ​ເຟື້ອງ​ ພັນ​ທະ​ໄຊ, ເລ​ຂາ​​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ໂດຍເປັນ​ກຽດ​ເຂົ້າ​ຮ່ວມ​ຂອງສະຫາຍ ປອ. ນາງ ສູນ​ທອນ ໄຊ​ຍະ​ຈັກ, ກຳມະການ​ສູນ​ກາງ​ພັກ, ເລຂາຄະ​ນະ​ພັກ, ຫົວໜ້າຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ, ສະຫາຍ ອາ​ລຸນ​ໄຊ ສູນ​ນະ​ລາດ, ກຳ​ມະ​ການ​ສຳ​ຮອງ​ສູນ​ກາ​ງ​ພັກ, ສະ​ມ​າຊິກ​ສະ​ພາ​ແຫ່ງຊາດ ຊຸດ​ທີ 8, ເລ​ຂາ​ຄະ​ນະ​ພັກ​...

ອ່ານຕໍ່
ຂ່າວອື່ນໆ

ໂທ​ລະ​ເລກ​ຊົມ​ເຊີຍ ສະ​ຫາຍ ສີ ຈິນ​ຜິງ ຈາກ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່​ ຄະ​ນະ​ບໍ​ລິ​ຫານ​ງານ​ສູນກ​າງ​ພັກ ປ​ປ ລາວ

ເຖິງ:   ສະຫາຍ ສີຈິນຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ.                                                                                             ທີ່ ນະຄອນຫລວງປັກກິ່ງ   ສະຫາຍ ສີຈິນຜິງ ທີ່ຮັກແພງ,             ເນື່ອງໃນໂອກາດທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ອີກສະໄໝໜຶ່ງ, ໃນນາມ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງສະຫາຍ ແລະ ຜ່ານສະຫາຍ ມາຍັງ ຄະນະບໍລິຫານງານສູນກາງພັກກອມມູນິດຈີນ ສະໄໝທີ XIX.          ...

ອ່ານເພີ່ມ

ສານອວຍພອນກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ຈາກຄະນະບໍລິຫານງານສູນກາງພັກ ປປ ລາວ

ເນື່ອງ​ໃນ​ໂອກາດພັກ​ກອມ​ມູນິດຈີນ ດຳ​ເນີນ​ກອງ​ປະ​ຊຸ​ມ​ໃຫຍ່​ຜູ້​ແທນ​ທົ່ວ​ປະ​ເທດ​ ຄັ້ງ​ທີ XIX,​ ​ເຊິ່ງ​ໄຂ​ຂຶ້ນທີ່​ນະຄອນຫລວງປັກ​ກິ່ງ ​ໃນ​ວັນ​ທີ 18 ຕຸລາ 2017,​​ໃນ​ນາມຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນປະຕິວັດ​ລາວ​ ສະມາ​ຊິກ​ພັກ ​ແລະປະຊາຊົນລາວ​ບັນດາ​ເຜົ່າ,​ ພວກ​ຂ້າພະ​ເຈົ້າຂໍ​ສົ່ງຄວາມ​ຊົ​ມ​ເຊີຍອັນ​ອົບ​ອຸ່ນ​,​ ພອນ​ໄຊ​ອັນ​ປະ​ເສີດ ​ແລະ  ອາລົມຈິດ​ແຫ່​ງຄວາມ​ສາມັກ​ຄີ​ຮັກ​ແພງອັນ​ສະໜິດສະໜົມຖານ​ສະຫາຍ​ອ້າຍ​ນ້ອງ ​ມາ​ຍັງ​ຄະນະ​ບໍລິຫານງານ​ສູນ​ກາງ​ພັກ​ກອມ​ມູນ​ນິດ​ຈີນ,​ ບັນດາ​ຜູ້​ແທນ​ກອງ​ປະ​ຊຸມ​ໃຫຍ່ ​ແລະຜ່ານ​ກອງ​ປະ​ຊຸມ​ໃຫຍ່​ໄປ​ຍັງ​ສະມາຊິກ​ພັກ​ກອມ​ມູນິດ​ຈີນ ​ແລະປະຊາ ຊົນ​ຈີນ​ອ້າຍ​ນ້ອງທຸກ​ຖ້ວນໜ້າ.  ກອງ​ປະຊຸມ​ໃຫຍ່​ຜູ້​ແທນ​​ທົ່ວ​ປະ​ເທດຄັ້ງທີ XIX ຂອງ​ພັກ​ກອມ​ມູນິ​ດຈີນ ​ແມ່ນ​ເຫດ​ການ​ການ ເມືອງ​ທີ່​ມີ​ຄວາມໝາຍສຳຄັນ​ຍິ່ງ​ ໃນ​ຊີວິດ​ການ​ເມືອງ​ຂອງພັກ​ກອມ​ມູນິດຈີນ,​ເຊິ່ງ​ໄດ້​ໄຂ​ຂຶ້ນ​ໃນ​ໄລຍະ​ສຳ ຄັນ​ຂອງການ​ກຳນົດ​ຍຸດທະ​ສາດ ​ແລະວາງ​ນະ​ໂຍບາຍ​ເພື່ອບັນ​ລຸ​ ການ​ສ້າງ​ສັງຄົມອັນ​ອິ່ມໜ່ຳສຳລານ​ຮອບດ້ານ ​ແລະຄວາມ​​ຝັນຂອງ​ຈີນ...

ອ່ານເພີ່ມ

ໂທ​ລະ​ເລກອວຍ​ພອນ ຈາກ​ປະ​​​ທານ​ພັກ​ແຮງ​ງານ​ເກົາຫຼີ

ນະ​ຄອນຫຼວງວຽງ​ຈັນ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່ ຄະ​ນະ​ນ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ເນື່ອງ​ໃນ​ໂອ​ກາດ ​ວັນ​ສ້າງ​ຕັ້ງ​ພັກ​ປະ​ຊາ​ຊົນ ​ປະ​ຕິ​ວັດ​ລາວ ຄົບ​ຮອບ 62 ປີ, ຂ້າ​ພະ​ເຈົ້າ ຂໍ​ສົ່ງ​ຄວາມ​ຊົມ​ເຊີຍ ອັນ​ອົບ​ອຸ່ນ ມາ​ຍັງ​ສະ​ຫາຍ ແລະ ໂດຍ​ຜ່ານ​ສະ​ຫາຍ​ໄປ​ຍັງ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນ ປະ​ຕິ​ວັດ​ລາວ ແລະ ສະ​ມາ​ຊິກ​ພັກ ທຸກ​ຖ້ວນ​ໜ້າ. ຕະ​ຫຼອດ​ໄຍ​ລະ 62 ປີ ນັບ​ແຕ່​ການ​ສ້າງ​ຕັ້ງ​ຂຶ້ນ, ພັກ​ປະ​ຊາ​ຊົນ...

ອ່ານເພີ່ມ
ຂ່າວອື່ນໆ

31 oct 19   ຕອບສະໜອງຕາມການເຊື້ອເຊີນຂອງພັກປະຊາຊົນກຳປູເຈຍ, ຄະນະຜູ້ແທນຂັ້ນສູງ ພັກ ປປ ລາວ ນຳໂດຍ  ທ່ານ ຄຳພັນ ພົມມະທັດ, ກຳມະການ ກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາອົບ ຮົມສູນກາງພັກ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ແລະ ເຮັດວຽກ ທີ່ຣາຊະອານາຈັກກໍາປູເຈຍ ແຕ່ວັນທີ 28 ຕຸລາ ຫາ 01 ພະຈິກ 2019.


   ໃນໂອກາດຢ້ຽມຢາມຣາຊະອານາຈັກກຳປູເຈຍ, ທ່ານ ຄໍາພັນ ພົມມະທັດ ພ້ອມດ້ວຍຄະນະໄດ້ເຂົ້າຢ້ຽມຂໍ່ານັບ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ປະທານ ພັກປະຊາຊົນກຳປູເຈຍ ໃນຕອນເຊົ້າຂອງວັນທີ 29 ຕຸລາ 2019. ໃນການພົບປະ ທ່ານ ຄຳພັນ ພົມມະທັດ ໄດ້ນຳເອົາຄຳ ຢື້ຢາມຖາມຂ່າວຂອງ ພະນະທ່ານ ບຸນຍັງ ວໍລະຈິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ ແລະ ນາຍົກລັດຖະມົນຕີ ທອງລຸນ ສີສຸລິດ, ຝາກເຖິງ ສົມເດັດ ແລະ ບັນດາການນຳພັກ, ລັດ ແລະ ປະຊາຊົນກຳປູເຈຍ, ສະແດງຄວາມຊົມເຊີຍ ແລະ  ຕີລາຄາສູງຕໍ່ຜົນສຳເລັດອັນ ໃຫຍ່ຫຼວງ ຮອບດ້ານທີ່ປະຊາຊົນກຳປູເຈຍຍາດມາໄດ້ໃນໄລຍະໃໝ່ທີ່ຜ່ານມາ ພາຍໃຕ້ການຊີ້ນຳນຳພາຂອງ ພັກປະຊາຊົນກຳປູເຈຍ ອັນມີ ສົມເດັດ ຮຸນ ແຊນ ເປັນຜູ້ນໍາໜ້ານັ້ນ ເຊິ່ງໄດ້ເຮັດໃຫ້ໂສມໜ້າຂອງປະເທດກຳປູເຈຍ ມີການປ່ຽນແປງຢ່າງໃຫຍ່ຫຼວງ, ຊີວິດການເປັນຢູ່ຂອງປະຊາຊົນນັບມື້ໄດ້ຮັບການປັບ ປຸງໃຫ້ດີຂຶ້ນຢ່າງຕໍ່ເນື່ອງ;  ໄດ້ສະແດງຄວາມຂອບໃຈຕໍ່ພັກ, ລັດຖະບານ ແລະ ປະຊາຊົນກຳປູເຈຍ ທີ່ໄດ້ໃຫ້ການສະໜັບສະໜູນຊ່ວຍເຫຼືອແກ່ພາລະ ກິດການປົດປ່ອຍຊາດ ຂອງປະຊາຊົນລາວ ໃນເມື່ອກ່ອນ ກໍ່ຄືພາລະກິດສ້າງສາ ແລະ ພັດທະນາປະເທດ ໃນປັດຈຸບັນ.
    ທ່ານ ຄໍາພັນ ພົມມະທັດ ໄດ້ແຈ້ງສະພາບການໂດຍຫຍໍ້ຂອງ ສປປ ລາວ ແລະ ຕີລາຄາການພົວພັນຮ່ວມມື ລະຫວ່າງ ສອງພັກ, ສອງລັດ ໃນໄລຍະ ຜ່ານມາ,  ພ້ອມທັງໄດ້ອວຍພອນໃຫ້ປະຊາຊົນກຳປູເຈຍ ອ້າຍນ້ອງ ຈົ່ງຍາດໄດ້ຜົນສຳເລັດໃໝ່ໃຫຍ່ຫຼວງກວ່າເກົ່າໃນພາລະກິດ ສ້າງສາ ແລະ ປົກປັກ ຮັກສາປະເທດຊາດຂອງຕົນ. ພິເສດ, ທ່ານໄດ້ສະແດງຄວາມຊົມເຊີຍຕໍ່ການຍົກລະດັບສາຍພົວພັນລະຫວ່າງສອງປະເທດ ທີ່ດີຢູ່ແລ້ວ ໃນເມື່ອກ່ອນ ມາເປັນຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານ ລະຫວ່າງສອງພັກ, ລັດ ແລະ ປະຊາຊົນສອງຊາດ ລາວ-ກຳປູເຈຍ ແລະ ສະແດງຄວາມເຊື່ອ ໝັ້ນວ່າ ສາຍພົວພັນມິດຕະພາບອັນເປັນມູນເຊື້ອທີ່ດີງາມ ລະຫ່ວາງ ລາວ-ກໍາປູເຈຍ ຈະສືບຕໍ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ, ນຳເອົາຜົນ ປະໂຫຍດຕົວຈິງມາໃຫ້ປະຊາຊົນສອງປະເທດ ແລະ ປະກອບສ່ວນເຂົ້າໃນພາລະກິດສັນຕິພາບ, ສະຖຽນລະພາບ, ການຮ່ວມມືເພື່ອການພັດທະນາໃນ ພາກພື້ນ ແລະ ໃນໂລກ.  
    ປະທານພັກປະຊາຊົນ ກໍາປູເຈຍໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງການຢ້ຽມຢາມ  ຣາຊະອານາຈັກກຳປູເຈຍ ຂອງ ທ່ານ ຄຳພັນ ພົມມະທັດໃນຄັ້ງນີ້ ເຊິ່ງເປັນການປະກອບສ່ວນສຳຄັນ ເຂົ້າໃນການເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານ ລະ ຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ກຳປູເຈຍ ໃຫ້ນັບມື້ນັບຈະເລີນງອກງາມຍິ່ງໆຂຶ້ນ. ພ້ອມນັ້ນກໍ່ໄດ້ສະແດງຄວາມຊົມເຊີຍ ຕໍ່ ຜົນສຳເລັດທີ່ພັກ, ລັດ ແລະ ປະຊາຊົນລາວຍາດມາໄດ້ໃນພາລະກິດປົກປັກຮັກສາ ແລະ ສ້າງສາພັດທະນາປະເທດລາວ ໄປສູ່ຄວາມວັດທະນາຖາວອນ, ອັນໄດ້ເຮັດໃຫ້ປະເທດຊາດມີສະຖຽນລະພາບ ທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບ, ຊີວິດການເປັນຢູ່ຂອງປະຊາຊົນນັບມື້ ໄດ້ຮັບການປັບປຸງໃຫ້ດີຂຶ້ນ, ສະແດງຄວາມເຊື້ອໝັ້ນຢ່າງໜັກແໜ້ນວ່າ ພາຍໃຕ້ການນຳພາອັນສະຫລາດສ່ອງໃສ່ຂອງພັກ ປະຊາຊົນ ປະຕິວັດ ລາວ ໂດຍມີ ພະນະທ່ານ ບຸນຍັງ ວໍລະຈິດ ເປັນຜູ້ນຳໜ້ານັ້ນ, ປະຊາຊົນລາວ ບັນດາເຜົ່າຈະສືບຕໍ່ປະຕິບັດມະຕິຂອງກອງປະຊຸມໃຫຍ່ຄັ້ງທີ X ຂອງພັກ ຢ່າງມີໄຊ.
   ສົມເດັດ ຮຸນ ແຊນ ໄດ້ຢືນຢັນວ່າ ພັກ, ລັດ ແລະ ປະຊາຊົນ ກໍາປູເຈຍ ຈະຮ່ວມກັບພັກ, ລັດ ແລະ ປະຊາຊົນ ລາວ ປົກປັກຮັກສາ ແລະ ເສີມຂະ ຫຍາຍສາຍພົວພັນມິດຕະພາບອັນດີງາມລະຫວ່າງປະຊາຊົນສອງຊາດໃຫ້ຂະຫຍາຍ ຕົວຍີ່ງໆຂຶ້ນ.
   ໃນວັນດຽວກັນ, ທ່ານ ຄໍາພັນ ພົມມະທັດ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະ ນະໂຄສະນາອົບຮົມສູນກາງພັກ ໄດ້ພົບປະ ແລະ ເຮັດວຽກກັບ ທ່ານ ມອມ ສາຣີນ, ຫົວໜ້າຫ້ອງວ່າການສູນກາງພັກ, ໃນການພົບປະຄັ້ງນີ້, ສອງຝ່າຍໄດ້ແຈ້ງໃຫ້ກັນຊາບ ກ່ຽວກັບ ສະພາບພົ້ນເດັ່ນໃນການນຳພາຂອງພັກຕົນ, ຕີລາຄາການພົວພັນຮ່ວມມືສອງຝ່າຍໃນໜື່ງປີທີ່ຜ່ານມາ, ປຶກສາຫາລືກ່ຽວກັບທິດທາງການຮ່ວມມືໃນ ຕໍ່ໜ້າ ແລະ ແລກປ່ຽນບົດຮຽນດ້ານຕ່າງໆໃນການເຄື່ອນໄຫວວຽກງານຕ່າງປະເທດຂອງສອງພັກ, ແລກປ່ຽນຄຳຄິດເຫັນກ່ຽວກັບສະພາບການ ພາກ ພື້ນ ແລະ ສາກົນ ທີ່ສອງຝ່າຍມີຄວາມສົນໃຈ.
   ໃນຕອນແລງຂອງວັນທີ 30 ຕຸລາ 2019 ທ່ານ ຄໍາພັນ ພົມມະທັດ, ກຳມະການກົມການເມືອງ, ເລຂາທິການສູນ ກາງພັກ, ຫົວໜ້າຄະນະໂຄສະນາ ອົບຮົມສູນກາງພັກ ໄດ້ພົບປະ ແລະ ເຮັດວຽກ ກັບການນຳພັກແຂວງ ສຽມຣຽບ, ເຊິ່ງທ່ານໄດ້ຕີລາຄາສູງຕໍ່ຜົນສຳເລັດການພັດທະນາເສດຖະກິດ - ສັງຄົມ ທີ່ຄະພັກແຂວງ ຍາດມາໄດ້ໃນໄລຍະຜ່ານມາ ພ້ອມທັງປຶກສາຫາລືທິດທາງການຮ່ວມມື ໃນຂົງເຂດທີ່ທັງສອງຝ່າຍຕ່າງກໍ່ມີທ່າ ແຮງບົ່ມຊ້ອນ ໂດຍສະເພາະແມ່ນດ້ານ ວຽກງານການທ່ອງທ່ຽວ.
   ໃນໂອກາດຢ້ຽມຢາມ ແລະ ເຮັດວຽກຢູ່ ຣາຊະອານາຈັກກຳປູເຈຍຄັ້ງນີ້, ຄະນະຍັງໄດ້ໄປຢ້ຽມຢາມບາງສະຖານທີ່ປະຫວັດສາດ ແລະ ວັດທະນະທໍາຈໍາ ນວນໜຶ່ງຢູ່ນະຄອນຫຼວງພະນົມເປັນ ແລະ ແຂວງ ສຽມຣຽບ.

party x

ສະຖິຕິຜູ້ເຂົ້າຊົມ

274107
Today306
Yesterday543
This_Week1431
This_Month5832
All_Days274107