ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

ຄະນະພົວພັນຕ່າງປະເທດສູນກາງພັກ ຈັດຕັ້ງພິທີ ມອບ - ຮັບ ບັດພະນັກງານ - ລັດຖະກອນ

   ເພື່ອປະຕິບັດຕາມຄຳແນະນໍາ ເລກທີ 06/ພນ, ລົງວັນທີ 19 ພະຈິກ 2017 ກ່ຽວກັບການອອກບັດ ພະນັກງານ - ລັດຖະກອນ, ໃນວັນທີ 25 ທັນວາ 2018 ທີ່ ຄະນະພົວພັນຕ່າງປະເທດສູນກາງພັກ ຫຼັກ 06 ໄດ້ຈັດພິທີມອບ-ຮັບ ບັດພະນັກງານ - ລັດຖະກອນ, ໂດຍການເປັນປະທານ ຂອງ ສະຫາຍ ສົມພອນ ສີຈະເລີນ, ຮອງເລຂາຄະນະພັກ...

ອ່ານຕໍ່
ຂ່າວອື່ນໆ

ໂທ​ລະ​ເລກ​ຊົມ​ເຊີຍ ສະ​ຫາຍ ສີ ຈິນ​ຜິງ ຈາກ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່​ ຄະ​ນະ​ບໍ​ລິ​ຫານ​ງານ​ສູນກ​າງ​ພັກ ປ​ປ ລາວ

ເຖິງ:   ສະຫາຍ ສີຈິນຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ.                                                                                             ທີ່ ນະຄອນຫລວງປັກກິ່ງ   ສະຫາຍ ສີຈິນຜິງ ທີ່ຮັກແພງ,             ເນື່ອງໃນໂອກາດທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ອີກສະໄໝໜຶ່ງ, ໃນນາມ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງສະຫາຍ ແລະ ຜ່ານສະຫາຍ ມາຍັງ ຄະນະບໍລິຫານງານສູນກາງພັກກອມມູນິດຈີນ ສະໄໝທີ XIX.          ...

ອ່ານເພີ່ມ

ສານອວຍພອນກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ຈາກຄະນະບໍລິຫານງານສູນກາງພັກ ປປ ລາວ

ເນື່ອງ​ໃນ​ໂອກາດພັກ​ກອມ​ມູນິດຈີນ ດຳ​ເນີນ​ກອງ​ປະ​ຊຸ​ມ​ໃຫຍ່​ຜູ້​ແທນ​ທົ່ວ​ປະ​ເທດ​ ຄັ້ງ​ທີ XIX,​ ​ເຊິ່ງ​ໄຂ​ຂຶ້ນທີ່​ນະຄອນຫລວງປັກ​ກິ່ງ ​ໃນ​ວັນ​ທີ 18 ຕຸລາ 2017,​​ໃນ​ນາມຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນປະຕິວັດ​ລາວ​ ສະມາ​ຊິກ​ພັກ ​ແລະປະຊາຊົນລາວ​ບັນດາ​ເຜົ່າ,​ ພວກ​ຂ້າພະ​ເຈົ້າຂໍ​ສົ່ງຄວາມ​ຊົ​ມ​ເຊີຍອັນ​ອົບ​ອຸ່ນ​,​ ພອນ​ໄຊ​ອັນ​ປະ​ເສີດ ​ແລະ  ອາລົມຈິດ​ແຫ່​ງຄວາມ​ສາມັກ​ຄີ​ຮັກ​ແພງອັນ​ສະໜິດສະໜົມຖານ​ສະຫາຍ​ອ້າຍ​ນ້ອງ ​ມາ​ຍັງ​ຄະນະ​ບໍລິຫານງານ​ສູນ​ກາງ​ພັກ​ກອມ​ມູນ​ນິດ​ຈີນ,​ ບັນດາ​ຜູ້​ແທນ​ກອງ​ປະ​ຊຸມ​ໃຫຍ່ ​ແລະຜ່ານ​ກອງ​ປະ​ຊຸມ​ໃຫຍ່​ໄປ​ຍັງ​ສະມາຊິກ​ພັກ​ກອມ​ມູນິດ​ຈີນ ​ແລະປະຊາ ຊົນ​ຈີນ​ອ້າຍ​ນ້ອງທຸກ​ຖ້ວນໜ້າ.  ກອງ​ປະຊຸມ​ໃຫຍ່​ຜູ້​ແທນ​​ທົ່ວ​ປະ​ເທດຄັ້ງທີ XIX ຂອງ​ພັກ​ກອມ​ມູນິ​ດຈີນ ​ແມ່ນ​ເຫດ​ການ​ການ ເມືອງ​ທີ່​ມີ​ຄວາມໝາຍສຳຄັນ​ຍິ່ງ​ ໃນ​ຊີວິດ​ການ​ເມືອງ​ຂອງພັກ​ກອມ​ມູນິດຈີນ,​ເຊິ່ງ​ໄດ້​ໄຂ​ຂຶ້ນ​ໃນ​ໄລຍະ​ສຳ ຄັນ​ຂອງການ​ກຳນົດ​ຍຸດທະ​ສາດ ​ແລະວາງ​ນະ​ໂຍບາຍ​ເພື່ອບັນ​ລຸ​ ການ​ສ້າງ​ສັງຄົມອັນ​ອິ່ມໜ່ຳສຳລານ​ຮອບດ້ານ ​ແລະຄວາມ​​ຝັນຂອງ​ຈີນ...

ອ່ານເພີ່ມ

ໂທ​ລະ​ເລກອວຍ​ພອນ ຈາກ​ປະ​​​ທານ​ພັກ​ແຮງ​ງານ​ເກົາຫຼີ

ນະ​ຄອນຫຼວງວຽງ​ຈັນ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່ ຄະ​ນະ​ນ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ເນື່ອງ​ໃນ​ໂອ​ກາດ ​ວັນ​ສ້າງ​ຕັ້ງ​ພັກ​ປະ​ຊາ​ຊົນ ​ປະ​ຕິ​ວັດ​ລາວ ຄົບ​ຮອບ 62 ປີ, ຂ້າ​ພະ​ເຈົ້າ ຂໍ​ສົ່ງ​ຄວາມ​ຊົມ​ເຊີຍ ອັນ​ອົບ​ອຸ່ນ ມາ​ຍັງ​ສະ​ຫາຍ ແລະ ໂດຍ​ຜ່ານ​ສະ​ຫາຍ​ໄປ​ຍັງ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນ ປະ​ຕິ​ວັດ​ລາວ ແລະ ສະ​ມາ​ຊິກ​ພັກ ທຸກ​ຖ້ວນ​ໜ້າ. ຕະ​ຫຼອດ​ໄຍ​ລະ 62 ປີ ນັບ​ແຕ່​ການ​ສ້າງ​ຕັ້ງ​ຂຶ້ນ, ພັກ​ປະ​ຊາ​ຊົນ...

ອ່ານເພີ່ມ
ຂ່າວອື່ນໆ

5Nov2018

   ຕາມການເຊື້ອເຊີນຂອງກະຊວງສຶກສາແຫ່ງ ສາທາລະນະລັດ ອາເຊັກ ໄບຊານ, ຄະນະຜູ້ແທນລາວ ນໍາໂດຍ ທ່ານ ສົມດີ ບຸນຄຸ້ມ, ຮອງຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເດີນທາງໄປຮ່ວມກອງປະຊຸມເວທີປຶກສາຫາລືດ້ານມະນຸດສະທຳ ຄັ້ງທີ VI, ຊຶ່ງໄດ້ຈັດຂຶ້ນທີ່ ນະຄອນຫລວງບາກູ, ປະເທດອາເຊັກໃບຊານ ໃນວັນທີ 25-26 ຕຸລາ 2018, ພາຍໃຕ້ຫົວຂໍ້ “ການສ້າງໂລກໃຫມ່ ແລະ ສ້າງຄົນໃຫມ່: ການປະດິດສ້າງ ແລະ ການພັດທະນາຄົນ”. ກອງປະຊຸມຄັ້ງນີ້ ມີແຂກເຂົ້າຮ່ວມ 581 ຄົນ ທີ່ມາຈາກ 86 ປະເທດ, ຊຶ່ງໃນນັ້ນ, ມີຜູ້ຕາງໜ້າຈາກ ອົງການເຄືອຂ່າຍ ສະຫະປະຊາຊາດ ແລະ ອົງການຈັດຕັ້ງບໍ່ສັງກັດລັດຖະບານ 24 ອົງການ. ໃນພິທີໄຂກອງປະຊຸມ ໄດ້ຮັບກຽດເຂົ້າຮ່ວມ ແລະ ມີຄໍາເຫັນໂດຍທ່ານ ອີນຄໍາ ອາລີເຢບ, ປະທານາທິບໍດີ ແຫ່ງສາທາລະນະລັດ ອາເຊັກໄບຊານ ແລະ ທ່ານ ນາງ ໂອນກາ ໂກໂລເດັດສ, ຮອງນາຍົກລັດຖະມົນຕີ ແຫ່ງສະຫະພັນລັດເຊຍ. ນອກນີ້, ຍັງມີຜູ້ຊ່ວຍກອງລາຂາ ສປຊ ຮັບຜິດຊອບວຽກງານດ້ານຄູ່ຮ່ວມມະນຸດສະທໍາ ກັບຂົງເຂດອາຊີກາງ ແລະ ອາຊີຕາເວັນອອກກາງ; ຮອງອໍານວຍການ UNESCO; ປະທານສະຫະພັນລັດຖະສະພາສາກົນ ແລະ ເເຂກສໍາຄັນຫຼາຍທ່ານ. ໃນກອບຂອງການຈັດກອງປະຊຸມເວທີປຶກສາຫາລືດ້ານມະນຸດສະທຳ ຄັ້ງທີ VI, ໄດ້ຈັດກອງປະຊຸມພົບປະອາດີດນັກສຶກສາ ທີ່ຮຽນຈົບຈາກສະຖາບັນການສຶກສາ ພາຍໃຕ້ຫົວຂໍ້ “ການລົງທຶນໃນອານະຄົດ - ແມ່ນການກ້າວໄປສູ່ການພັດທະນາແບບຢືນຢົງ ແລະ ຮ່ວມມືກັນ”, ໂດຍພາຍໃຕ້ການເປັນປະທານຮ່ວມຂອງ ລັດຖະມົນຕີກະຊວງການຕ່າງປະເທດ ແລະ ລັດຖະມົນຕີກະຊວງສຶກສາ ອາເຊັກໄບຊານ.


   ກອງປະຊຸມ ໄດ້ມີການແລກປ່ຽນຄວາມຄິດເຫັນ ກ່ຽວກັບບັນຫາສິ່ງທ້າທາຍຂອງໂລກໃນຍຸກປັດຈຸບັນ, ບັນຫາການເມືອງໃນຍຸກໃຫມ່, ວິທະຍາສາດ, ການສຶກສາ ແລະ ວັດທະນະທຳ, ຊຶ່ງໃນນັ້ນຍັງໄດ້ເນັ້ນໃສ່ບັນຫາການສຶກສາ ແລະ ວິທະຍາສາດ ໃນການພັດທະນາຊັບພະຍາກອນມະນຸດ, ນະວັດຕະກຳ ເຊີ່ງແມ່ນຊັບພະຍາກອນໃຫມ່ໃນການປະດິດສ້າງທາງດ້ານເສດຖະກິດ, ເປົ້າຫມາຍການພັດທະນາແບບຍືນຍົງ 2030: ສິ່ງທ້າທາຍ ແລະ ກາລະໂອກາດຂອງໂລກ, ນະໂຍບາຍກ່ຽວກັບຄວາມຫລາກຫລາຍທາງດ້ານວັດທະນະທຳ ເຊີ່ງແມ່ນປັດໃຈຮັບປະກັນຄວາມຫມັ້ນຄົງໃນສັງຄົມ ແລະ ການລົງທຶນໃສ່ອະນາຄົດ: ການພັດທະນາແບບຍືນຍົງ ແລະ ການມີສ່ວນຮ່ວມຂອງທຸກພາກສ່ວນ.
   ໃນກອງປະຊຸມພົບປະອາດີດນັກສຶກສາ, ຫົວໜ້າຄະນະຜູ້ແທນລາວ ໄດ້ມີໂອກາດຂຶ້ນມີຄໍາເຫັນຕໍ່ກອງປະຊຸມ, ຊຶ່ງໄດ້ຍົກໃຫ້ເຫັນເຖິງຄວາມສໍາຄັນຂອງວຽກງານການສຶກສາ ແລະ ການພັດທະນາຊັບພະຍາກອນມະນຸດ ທີ່ ສປປ ລາວ, ໄດ້ຍົກໃຫ້ເຫັນເຖິງຜົນສໍາເລັດອັນໃຫຍ່ຫລວງ ທີ່ລັດຖະບານ ສປປ ລາວ ໃນການພັດທະນາວຽກງານການສຶກສາ ກໍຄື ການສ້າງຊັບພະຍາກອນມະນຸດ, ໄດ້ຕາງໜ້າໃຫ້ ລັດຖະບານ ສ ປປ ລາວ ສະແດງຄວາມຮູ້ບຸນຄຸນ ແລະ ຄວາມຂອບໃຈເປັນຢ່າງສູງ ມາຍັງບັນດາປະເທດເພື່ອນມິດ ກໍຄືປະເທດອະດິດສະຫະພາບໂຊວຽດ, ຊຶ່ງລວມທັງ ສ. ອາເຊັກໄບຊານ ທີ່ໄດ້ໃຫ້ ການຊ່ວຍເຫລືອອັນໃຫຍ່ຫຼວງ ໃນການສ້າງຊັບພະຍາກອນມະນຸດ ໃຫ້ແກ່ ສປປ ລາວ ເປັນຈໍານວນຫຼາຍພັນຄົນ, ຊຶ່ງໃນປະຈຸບັນ, ບັນດາອະດີດນັກສຶກສາທີ່ຮຽນຈົບຈາກບັນດາປະເທດທີ່ໄດ້ກ່າວມານັ້ນ ພວມມີຕໍາແໜ່ງທີ່ສໍາຄັນໃນກົງຈັກລັດຖະບານ ແລະ ເອກະຊົນ ແລະ ພວມມີການປະກອບສ່ວນຢ່າງຕັ້ງໜ້າເຂົ້າໃນການພັດທະນາ ສ ປປ ລາວ.
   ກອງປະຊຸມເວທີປຶກສາຫາລືດ້ານມະນຸດສະທຳ ໄດ້ຈັດຂຶ້ນພາຍໃຕ້ຂໍ້ຄິດລິເລີ່ມໃນປີ 2010 ຂອງ ທ່ານ ອີນຄໍາ ອາລີແຢບ, ປະທານນາທິບໍດີ ອາເຊັກໄບຊານ ແລະ ທ່ານ ວາລາດີເມຍ ປູຕິນ, ປະທານາທິບໍດີ ລັດເຊຍ, ຊຶ່ງມີຈຸດປະສົງເພື່ອເຕົ້າໂຮມບັນດານັກການເມືອງ, ນັກວິທະຍາສາດ, ນັກເຄື່ອນໄຫວທາງດ້ານວັດທະນະທໍາ-ສັງຄົມ ລວມທັງ ຜູ້ໄດ້ຮັບ ລາງວັນໂນເບວໃນສາຂາວິທະຍາສາດ ແລະ ຜູ້ນຳທີ່ມີບົດບາດໃນອົງການຈັດຕັ້ງສາກົນ.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200