ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

ຄະນະພົວພັນຕ່າງປະເທດສູນກາງພັກ ຈັດຕັ້ງພິທີ ມອບ - ຮັບ ບັດພະນັກງານ - ລັດຖະກອນ

   ເພື່ອປະຕິບັດຕາມຄຳແນະນໍາ ເລກທີ 06/ພນ, ລົງວັນທີ 19 ພະຈິກ 2017 ກ່ຽວກັບການອອກບັດ ພະນັກງານ - ລັດຖະກອນ, ໃນວັນທີ 25 ທັນວາ 2018 ທີ່ ຄະນະພົວພັນຕ່າງປະເທດສູນກາງພັກ ຫຼັກ 06 ໄດ້ຈັດພິທີມອບ-ຮັບ ບັດພະນັກງານ - ລັດຖະກອນ, ໂດຍການເປັນປະທານ ຂອງ ສະຫາຍ ສົມພອນ ສີຈະເລີນ, ຮອງເລຂາຄະນະພັກ...

ອ່ານຕໍ່
ຂ່າວອື່ນໆ

ໂທ​ລະ​ເລກ​ຊົມ​ເຊີຍ ສະ​ຫາຍ ສີ ຈິນ​ຜິງ ຈາກ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່​ ຄະ​ນະ​ບໍ​ລິ​ຫານ​ງານ​ສູນກ​າງ​ພັກ ປ​ປ ລາວ

ເຖິງ:   ສະຫາຍ ສີຈິນຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ.                                                                                             ທີ່ ນະຄອນຫລວງປັກກິ່ງ   ສະຫາຍ ສີຈິນຜິງ ທີ່ຮັກແພງ,             ເນື່ອງໃນໂອກາດທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ອີກສະໄໝໜຶ່ງ, ໃນນາມ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງສະຫາຍ ແລະ ຜ່ານສະຫາຍ ມາຍັງ ຄະນະບໍລິຫານງານສູນກາງພັກກອມມູນິດຈີນ ສະໄໝທີ XIX.          ...

ອ່ານເພີ່ມ

ສານອວຍພອນກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ຈາກຄະນະບໍລິຫານງານສູນກາງພັກ ປປ ລາວ

ເນື່ອງ​ໃນ​ໂອກາດພັກ​ກອມ​ມູນິດຈີນ ດຳ​ເນີນ​ກອງ​ປະ​ຊຸ​ມ​ໃຫຍ່​ຜູ້​ແທນ​ທົ່ວ​ປະ​ເທດ​ ຄັ້ງ​ທີ XIX,​ ​ເຊິ່ງ​ໄຂ​ຂຶ້ນທີ່​ນະຄອນຫລວງປັກ​ກິ່ງ ​ໃນ​ວັນ​ທີ 18 ຕຸລາ 2017,​​ໃນ​ນາມຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນປະຕິວັດ​ລາວ​ ສະມາ​ຊິກ​ພັກ ​ແລະປະຊາຊົນລາວ​ບັນດາ​ເຜົ່າ,​ ພວກ​ຂ້າພະ​ເຈົ້າຂໍ​ສົ່ງຄວາມ​ຊົ​ມ​ເຊີຍອັນ​ອົບ​ອຸ່ນ​,​ ພອນ​ໄຊ​ອັນ​ປະ​ເສີດ ​ແລະ  ອາລົມຈິດ​ແຫ່​ງຄວາມ​ສາມັກ​ຄີ​ຮັກ​ແພງອັນ​ສະໜິດສະໜົມຖານ​ສະຫາຍ​ອ້າຍ​ນ້ອງ ​ມາ​ຍັງ​ຄະນະ​ບໍລິຫານງານ​ສູນ​ກາງ​ພັກ​ກອມ​ມູນ​ນິດ​ຈີນ,​ ບັນດາ​ຜູ້​ແທນ​ກອງ​ປະ​ຊຸມ​ໃຫຍ່ ​ແລະຜ່ານ​ກອງ​ປະ​ຊຸມ​ໃຫຍ່​ໄປ​ຍັງ​ສະມາຊິກ​ພັກ​ກອມ​ມູນິດ​ຈີນ ​ແລະປະຊາ ຊົນ​ຈີນ​ອ້າຍ​ນ້ອງທຸກ​ຖ້ວນໜ້າ.  ກອງ​ປະຊຸມ​ໃຫຍ່​ຜູ້​ແທນ​​ທົ່ວ​ປະ​ເທດຄັ້ງທີ XIX ຂອງ​ພັກ​ກອມ​ມູນິ​ດຈີນ ​ແມ່ນ​ເຫດ​ການ​ການ ເມືອງ​ທີ່​ມີ​ຄວາມໝາຍສຳຄັນ​ຍິ່ງ​ ໃນ​ຊີວິດ​ການ​ເມືອງ​ຂອງພັກ​ກອມ​ມູນິດຈີນ,​ເຊິ່ງ​ໄດ້​ໄຂ​ຂຶ້ນ​ໃນ​ໄລຍະ​ສຳ ຄັນ​ຂອງການ​ກຳນົດ​ຍຸດທະ​ສາດ ​ແລະວາງ​ນະ​ໂຍບາຍ​ເພື່ອບັນ​ລຸ​ ການ​ສ້າງ​ສັງຄົມອັນ​ອິ່ມໜ່ຳສຳລານ​ຮອບດ້ານ ​ແລະຄວາມ​​ຝັນຂອງ​ຈີນ...

ອ່ານເພີ່ມ

ໂທ​ລະ​ເລກອວຍ​ພອນ ຈາກ​ປະ​​​ທານ​ພັກ​ແຮງ​ງານ​ເກົາຫຼີ

ນະ​ຄອນຫຼວງວຽງ​ຈັນ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່ ຄະ​ນະ​ນ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ເນື່ອງ​ໃນ​ໂອ​ກາດ ​ວັນ​ສ້າງ​ຕັ້ງ​ພັກ​ປະ​ຊາ​ຊົນ ​ປະ​ຕິ​ວັດ​ລາວ ຄົບ​ຮອບ 62 ປີ, ຂ້າ​ພະ​ເຈົ້າ ຂໍ​ສົ່ງ​ຄວາມ​ຊົມ​ເຊີຍ ອັນ​ອົບ​ອຸ່ນ ມາ​ຍັງ​ສະ​ຫາຍ ແລະ ໂດຍ​ຜ່ານ​ສະ​ຫາຍ​ໄປ​ຍັງ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນ ປະ​ຕິ​ວັດ​ລາວ ແລະ ສະ​ມາ​ຊິກ​ພັກ ທຸກ​ຖ້ວນ​ໜ້າ. ຕະ​ຫຼອດ​ໄຍ​ລະ 62 ປີ ນັບ​ແຕ່​ການ​ສ້າງ​ຕັ້ງ​ຂຶ້ນ, ພັກ​ປະ​ຊາ​ຊົນ...

ອ່ານເພີ່ມ
ຂ່າວອື່ນໆ

24 27 Oct18

 ຄະນະຜູ້ແທນພັກ ປປ ລາວ ນຳໂດຍ ສະຫາຍ ສົມພອນ ສີຈະເລີນ, ຮອງຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ໄດ້ເດີນທາງໄປເຂົ້າຮ່ວມກອງປະຊຸມໃຫຍ່ຄັ້ງທີ 10 ຂອງບັນດາພັກການເມືອງໃນອາຊີ (The 10th General Assembly of the ICAPP) ທີ່ຈັດຂື້ນໃນວັນທີ 24-27 ຕຸລາ 2018, ທີ່ນະຄອນຫຼວງມົດສະກູ, ສະຫະພັນຣັດເຊຍ, ໂດຍການເປັນເຈົ້າພາບຂອງພັກຣັດເຊຍເອກະພາບ (United Russia Party).
   ກອງປະຊຸມຄັ້ງນີ້ ພາຍໃຕ້ 2 ຫົວຂໍ້ຕົ້ນຕໍຄື: 1. “ບົດບາດຂອງບັນດາພັກການເມືອງໃນການຫລຸດຜ່ອນ ຄວາມເຄັ່ງຕຶງສາກົນ ແລະ ການຕໍ່ສູ້ຕ້ານລັດທິຂວາຈັດ” ແລະ 2. “ຄວາມສໍາຄັນຂອງການຮ່ວມມືສາກົນລະຫວ່າງ ບັນດາພັກໃນການສ້າງ ແລະ ເສີມຂະຫຍາຍສາຍພົວພັນທາງ ດ້ານການເມືອງ, ເສດຖະກິດ ແລະ ສັງຄົມ ລະຫວ່າງ ລັດ” ໂດຍມີຜູ້ແທນຈາກ 70 ພັກການເມືອງ ຈາກ 37 ປະເທດເຂົ້າຮ່ວມ.


   ຄະນະຜູ້ແທນ ພັກ ປປ ລາວ ໄດ້ປະກອບຄຳເຫັນໃນກອງປະຊຸມ ໂດຍໄດ້ຕີລາຄາສູງ ແລະ ຊົມເຊີຍ ຕໍ່ການເປັນເຈົ້າພາບຂອງພັກຣັດເຊຍເອກະພາບ, ຍົກໃຫ້ເຫັນບົດບາດການນໍາພາອັນພົ້ນເດັ່ນຂອງພັກ ປປ ລາວ ໂດຍສະເພາະແມ່ນໃນຂົງເຂດວຽກງານການຕ່າງປະເທດ ເຊິ່ງສະແດງອອກໃນການກຳນົດນະໂຍບາຍການຕ່າງປະເທດທີ່ຖືກຕ້ອງ ແລະ ສອດຄ່ອງໃນແຕ່ລະໄລຍະ, ເປີດກວ້າງ ແລະ ເສີມຂະຫຍາຍການພົວພັນຮ່ວມມືກັບບັນດາພັກການເມືອງ ແລະ ປະເທດຕ່າງໆໃນໂລກ, ຢ່າງເປັນຮູບປະທຳ ແລະ ມີໝາກຜົນຕົວຈິງໃນຂົງເຂດການເມືອງ-ຄວາມໝັ້ນຄົງ, ເສດຖະກິດ, ວັດທະນະທຳ-ສັງຄົມ ແລະ ຂົງເຂດອື່ນໆ, ປະກອບສ່ວນສຳຄັນເຂົ້າໃນການສ້າງສາພັດທະນາ ສປປ ລາວ ກໍ່ຄືໃນພາລະກິດເສີມສ້າງສັນຕິພາບ, ການຕໍ່ສູ້ຕ້ານລັດທິກໍ່ການຮ້າຍ ແລະ ລັດທິຂວາຈັດ.
   ບັນດາຜູ້ແທນກອງປະຊຸມໄດ້ເປັນເອກະພາບກັນຮັບຮອງເອົາຖະແຫຼງການມົດສະກູ, ຊຶ່ງໄດ້ຢືນຢັນຄືນບັນດາຫລັກການພື້ນຖານໃນການຮ່ວມມືລະຫວ່າງບັນດາພັກການເມືອງໃນຂົງເຂດອາຊີ ຕາມທີ່ໄດ້ກໍານົດໄວ້ໃນທໍາມະນູນຂອງໄອແຄັບ; ຊົມເຊີຍຄວາມຄືບໜ້າໃນການແກ້ໄຂບັນຫາແຫລມເກົາຫລີ, ເນັ້ນໜັກການຍົກສູງ ບົດບາດຂອງບັນດາພັກການເມືອງໃນພາກພື້ນຕ່າງໆ ໂດຍສະເພາະແມ່ນທາງດ້ານການເມືອງ-ຄວາມໝັ້ນຄົງ, ເສດຖະກິດ-ສັງຄົມ; ການສ້າງຄວາມເຂົ້າໃຈທີ່ເປັນເອກະພາບກັນ, ການຊອກຫາບັນດາວິທີທາງ ແລະ ວາງບັນດາມາດຕະການແກ້ໄຂຮ່ວມກັນ ເພື່ອຮັບມືກັບບັນດາສິ່ງທ້າທາຍຂອງພາກພື້ນແລະສາກົນ ໂດຍສະເພາະແມ່ນການຫລຸດຜ່ອນຄວາມເຄັ່ງຕຶງ, ການຕໍ່ສູ້ຕ້ານລັດທິຂວາຈັດ, ລັດທິເອກະນິຍົມ ແລະ ລັດທິປົກປ້ອງຕົນເອງ; ການເສີມຂະຫຍາຍການຮ່ວມມືໃນກອບຫລາຍຝ່າຍ ລວມທັງການເປັນຄູ່ຮ່ວມມືກັບບັນດາອົງການຈັດຕັ້ງສາກົນ ເຊັ່ນ: ອົງການອຸຍແນັດສະໂກ (UNESCO), ສະພາການຮ່ວມມືເສດຖະກິດ ແລະ ສັງຄົມຂອງສປຊ (ECOSOC), ການສະໝັກເຂົ້າເປັນຜູ້ສັງເກດການກອງປະຊຸມສະມັດຊາໃຫຍ່ ສປຊ ຂອງໄອແຄັບ, ການເສີມຂະຫຍາຍກົນໄກການພົວພັນສາມຝ່າຍລະຫວ່າງໄອແຄັບ, ອົງການໂກປານ(ບັນດາພັກການເມືອງໃນອາເມຣິກາລາຕິນ ແລະ ກາຣາອີບ) ແລະ ອົງການແຄັບ (ສະພາບັນດາພັກການເມືອງ ໃນອາຝຣິກກາ) ແລະ ການປະກອບສ່ວນຂອງໄອແຄັບເຂົ້າໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຂອງສປຊ
(SDGs) ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ສາກົນ.
   ຄຽງຄູ່ກັບກອງປະຊຸມໃຫຍ່ຄັ້ງທີ 10 ຂອງບັນດາພັກການເມືອງໃນອາຊີນີ້, ຍັງມີ 5 ກອງປະຊຸມປິ່ນອ້ອມ ເຊິ່ງໃນນັ້ນຜູ້ຕາງໜ້າຂອງພັກ ປປ ລາວ ໄດ້ເຂົ້າຮ່ວມ 2 ກອງປະຊຸມຄື: ກອງປະຊຸມຄັ້ງທີ 4 ຂອງຄະນະກຳມະການຊາວ ໜຸ່ມໄອແຄັບ ແລະ ກອງປະຊຸມຄັ້ງທີ 5 ຂອງຄະນະກຳມະການແມ່ຍິງໄອແຄັບ.
   ນອກຈາກເຂົ້າຮ່ວມກອງປະຊຸມແລ້ວ, ຄະນະຜູ້ແທນພັກເຮົາຍັງໄດ້ພົບປະສອງຝ່າຍກັບພັກກອມມູນິດຈີນ, ພັກແຮງງານເກົາຫລີ, ພັກກອມມູນິດສະຫະພັນຣັດເຊຍ ແລະ ພັກກອມມູນິດຂອງຊາວກອມມູນິດຣັດເຊຍ ແລະ ເຄື່ອນໄຫວຢ້ຽມຊົມສະຖານທີ່ວັດທະນະທຳທີ່ສຳຄັນທາງດ້ານປະຫວັດສາດຂອງນະຄອນຫຼວງມົດສະກູອີກດ້ວຍ.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200