ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

ຄະນະພົວພັນຕ່າງປະເທດສູນກາງພັກ ຈັດຕັ້ງພິທີ ມອບ - ຮັບ ບັດພະນັກງານ - ລັດຖະກອນ

   ເພື່ອປະຕິບັດຕາມຄຳແນະນໍາ ເລກທີ 06/ພນ, ລົງວັນທີ 19 ພະຈິກ 2017 ກ່ຽວກັບການອອກບັດ ພະນັກງານ - ລັດຖະກອນ, ໃນວັນທີ 25 ທັນວາ 2018 ທີ່ ຄະນະພົວພັນຕ່າງປະເທດສູນກາງພັກ ຫຼັກ 06 ໄດ້ຈັດພິທີມອບ-ຮັບ ບັດພະນັກງານ - ລັດຖະກອນ, ໂດຍການເປັນປະທານ ຂອງ ສະຫາຍ ສົມພອນ ສີຈະເລີນ, ຮອງເລຂາຄະນະພັກ...

ອ່ານຕໍ່
ຂ່າວອື່ນໆ

ໂທ​ລະ​ເລກ​ຊົມ​ເຊີຍ ສະ​ຫາຍ ສີ ຈິນ​ຜິງ ຈາກ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່​ ຄະ​ນະ​ບໍ​ລິ​ຫານ​ງານ​ສູນກ​າງ​ພັກ ປ​ປ ລາວ

ເຖິງ:   ສະຫາຍ ສີຈິນຜິງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ.                                                                                             ທີ່ ນະຄອນຫລວງປັກກິ່ງ   ສະຫາຍ ສີຈິນຜິງ ທີ່ຮັກແພງ,             ເນື່ອງໃນໂອກາດທີ່ສະຫາຍ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງເປັນ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ອີກສະໄໝໜຶ່ງ, ໃນນາມ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຖານສະຫາຍອ້າຍນ້ອງ ແລະ ພອນໄຊອັນປະເສີດມາຍັງສະຫາຍ ແລະ ຜ່ານສະຫາຍ ມາຍັງ ຄະນະບໍລິຫານງານສູນກາງພັກກອມມູນິດຈີນ ສະໄໝທີ XIX.          ...

ອ່ານເພີ່ມ

ສານອວຍພອນກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ຈາກຄະນະບໍລິຫານງານສູນກາງພັກ ປປ ລາວ

ເນື່ອງ​ໃນ​ໂອກາດພັກ​ກອມ​ມູນິດຈີນ ດຳ​ເນີນ​ກອງ​ປະ​ຊຸ​ມ​ໃຫຍ່​ຜູ້​ແທນ​ທົ່ວ​ປະ​ເທດ​ ຄັ້ງ​ທີ XIX,​ ​ເຊິ່ງ​ໄຂ​ຂຶ້ນທີ່​ນະຄອນຫລວງປັກ​ກິ່ງ ​ໃນ​ວັນ​ທີ 18 ຕຸລາ 2017,​​ໃນ​ນາມຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນປະຕິວັດ​ລາວ​ ສະມາ​ຊິກ​ພັກ ​ແລະປະຊາຊົນລາວ​ບັນດາ​ເຜົ່າ,​ ພວກ​ຂ້າພະ​ເຈົ້າຂໍ​ສົ່ງຄວາມ​ຊົ​ມ​ເຊີຍອັນ​ອົບ​ອຸ່ນ​,​ ພອນ​ໄຊ​ອັນ​ປະ​ເສີດ ​ແລະ  ອາລົມຈິດ​ແຫ່​ງຄວາມ​ສາມັກ​ຄີ​ຮັກ​ແພງອັນ​ສະໜິດສະໜົມຖານ​ສະຫາຍ​ອ້າຍ​ນ້ອງ ​ມາ​ຍັງ​ຄະນະ​ບໍລິຫານງານ​ສູນ​ກາງ​ພັກ​ກອມ​ມູນ​ນິດ​ຈີນ,​ ບັນດາ​ຜູ້​ແທນ​ກອງ​ປະ​ຊຸມ​ໃຫຍ່ ​ແລະຜ່ານ​ກອງ​ປະ​ຊຸມ​ໃຫຍ່​ໄປ​ຍັງ​ສະມາຊິກ​ພັກ​ກອມ​ມູນິດ​ຈີນ ​ແລະປະຊາ ຊົນ​ຈີນ​ອ້າຍ​ນ້ອງທຸກ​ຖ້ວນໜ້າ.  ກອງ​ປະຊຸມ​ໃຫຍ່​ຜູ້​ແທນ​​ທົ່ວ​ປະ​ເທດຄັ້ງທີ XIX ຂອງ​ພັກ​ກອມ​ມູນິ​ດຈີນ ​ແມ່ນ​ເຫດ​ການ​ການ ເມືອງ​ທີ່​ມີ​ຄວາມໝາຍສຳຄັນ​ຍິ່ງ​ ໃນ​ຊີວິດ​ການ​ເມືອງ​ຂອງພັກ​ກອມ​ມູນິດຈີນ,​ເຊິ່ງ​ໄດ້​ໄຂ​ຂຶ້ນ​ໃນ​ໄລຍະ​ສຳ ຄັນ​ຂອງການ​ກຳນົດ​ຍຸດທະ​ສາດ ​ແລະວາງ​ນະ​ໂຍບາຍ​ເພື່ອບັນ​ລຸ​ ການ​ສ້າງ​ສັງຄົມອັນ​ອິ່ມໜ່ຳສຳລານ​ຮອບດ້ານ ​ແລະຄວາມ​​ຝັນຂອງ​ຈີນ...

ອ່ານເພີ່ມ

ໂທ​ລະ​ເລກອວຍ​ພອນ ຈາກ​ປະ​​​ທານ​ພັກ​ແຮງ​ງານ​ເກົາຫຼີ

ນະ​ຄອນຫຼວງວຽງ​ຈັນ ສະ​ຫາຍ ບຸນ​ຍັງ ວໍ​ລະ​ຈິດ, ເລ​ຂາ​ທິ​ການ​ໃຫຍ່ ຄະ​ນະ​ນ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ເນື່ອງ​ໃນ​ໂອ​ກາດ ​ວັນ​ສ້າງ​ຕັ້ງ​ພັກ​ປະ​ຊາ​ຊົນ ​ປະ​ຕິ​ວັດ​ລາວ ຄົບ​ຮອບ 62 ປີ, ຂ້າ​ພະ​ເຈົ້າ ຂໍ​ສົ່ງ​ຄວາມ​ຊົມ​ເຊີຍ ອັນ​ອົບ​ອຸ່ນ ມາ​ຍັງ​ສະ​ຫາຍ ແລະ ໂດຍ​ຜ່ານ​ສະ​ຫາຍ​ໄປ​ຍັງ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກປະ​ຊາ​ຊົນ ປະ​ຕິ​ວັດ​ລາວ ແລະ ສະ​ມາ​ຊິກ​ພັກ ທຸກ​ຖ້ວນ​ໜ້າ. ຕະ​ຫຼອດ​ໄຍ​ລະ 62 ປີ ນັບ​ແຕ່​ການ​ສ້າງ​ຕັ້ງ​ຂຶ້ນ, ພັກ​ປະ​ຊາ​ຊົນ...

ອ່ານເພີ່ມ
ຂ່າວອື່ນໆ

       

   ໂດຍຕອບສະໜອງຕາມການເຊື້ອເຊີນຂອງ ສູນກາງພັກກອມມູນິດ ຫວຽດນາມ, ຄະນະຜູ້ແທນພັກ ປປ ລາວ ນຳໂດຍ ສະຫາຍ ປອ ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ເດີນທາງໄປເຂົ້າຮ່ວມ ການພົບປະສາກົນ ຂອງພັກກອມມູນິດ ແລະ ກຳມະກອນ ຄັ້ງທີ 18 ເຊິ່ງຈັດຂຶ້ນຢູ່ນະຄອນຫຼວງ ຮ່າໂນ້ຍ, ສສ ຫວຽດນາມ ແຕ່ວັນທີ 28-30 ຕຸລາ 2016 ພາຍໃຕ້ຫົວຂໍ້: “ວິກິດການທຶນນິຍົມ ແລະການໂຈມຕີຂອງ ຈັກກະພັດ-ຍຸດທະສາດ ແລະ ຍຸດທະວິທີ ຂອງພັກກອມມູນິດ ແລະ ກຳມະກອນ ໃນການຕໍ່ສູ້ເພື່ອສັນຕິພາບ, ເພື່ອສິດທິຂອງກຳມະກອນ ແລະ ປະຊາຊົນ, ເພື່ອສັງຄົມນິຍົມ”.


   ໃນການພົບປະຄັ້ງນີ້ ມີຜູ້ແທນມາຈາກ ບັນດາພັກກອມມູນິດ ແລະ ກຳມະກອນ 59 ພັກການເມືືອງເຂົ້າຮ່ວມ. ບັນດາຜູ້ແທນໄດ້ປະກອບຄຳເຫັນ ໂດຍໄດ້ເນັ້ນໜັກໃຫ້ເຫັນເຖິງບົດບາດ ແລະຄວາມສຳຄັນຂອງມະຫາການປະຕິວັດສັງ ຄົມນິຍົມ ຕຸລາ ຣັດເຊຍ ທີ່ມີຕໍ່ຂະບວນການກອມມູນິດ ແລະ ກຳມະກອນສາກົນ ຊຶ່ງຈະມູນວຽນມາຄົບຮອບ 100 ປີ ໃນປີ 2017 ທີ່ຈະມາເຖິງນີ້; ກອງປະຊຸມໄດ້ເນັ້ນໜັກໃຫ້ເຫັນເຖິງສະພາບການຂອງໂລກທີ່ປ່ຽນແປງໄປຢ່າງສະຫຼັບສັບຊ້ອນ ທີ່ຫຼາຍປະເທດຕ້ອງປະເຊີນໜ້າ ເຊັ່ນ: ວິກິດການດ້ານເສດຖະກິດ, ດ້ານສິ່ງແວດລ້ອມ, ການເພີ່ມທະວີຄວາມບໍ່ໝັ້ນຄົງໃນບັນດາພາກພື້ນຕ່າງໆ ທີ່ເກີດຈາກລັດທິທຶນນິຍົມ ແລະ ບັນຫາການກໍ່ການຮ້າຍຂອງ ໄອຊິດ ກໍ່ຄືພວກຫົວຮຸນແຮງ ຊຶ່ງເປັນບັນຫາທ້າທາຍລວມ ຕໍ່ຂະບວນການກອມມູນິດ, ກຳມະກອນສາກົນ ແລະ ປະຊາຊົນ ຂອງປະເທດຕ່າງໆໃນໂລກໄດ້ປະເຊີນ.
   ຄະນະຜູ້ແທນ ພັກ ປປ ລາວ ໄດ້ປະກອບຄຳເຫັນຕໍ່ການພົບປະສາກົນ ໂດຍໄດ້ຕີລາຄາສະພາບການຂອງສາກົນ ແລະ ການສູ້ຊົນຂອງບັນດາພັກກອມມູນິດ ແລະ ກຳມະກອນສາກົນ ໃນການຕໍ່ສູ້ເພື່ອສັນຕິພາບ, ເພື່ອສິດທິຂອງກຳມະກອນ ແລະ ເພື່ອສັງຄົມນິຍົມ, ໄດ້ແຈ້ງໃຫ້ກອງປະຊຸມຊາບໂດຍຫຍໍ້ກ່ຽວກັບຜົນສຳເລັດກອງປະຊຸມໃຫຍ່ຄັ້ງທີ 10 ຂອງພັກ, ສະພາບການພັດທະນາເສດຖະກິດສັງຄົມຂອງລາວ, ວິໄສທັດ 2030, ແຜນຍຸດທະສາດການພັດທະນາ 2025 ແລະແຜນພັດ ທະນາເສດຖະກິດສັງຄົມ 5 ປີ ຄັ້ງທີ 8 (2016-2020).
   ການພົບປະສາກົນຄັ້ງນີ້ ໄດ້ປະສົບຜົນສຳເລັດຢ່າງຈົບງາມ, ບັນດາຄະນະຜູ້ແທນໄດ້ເປັນເອກະພາບກັນຮັບ ຮອງເອົາ ຂໍ້ຮຽກຮ້ອງ ຮ່າໂນ້ຍ ທີ່ເນັ້ນເຖິງບັນຫາສັນຕິພາບ, ສິດທິຂອງ ປະຊາຊົນ, ຊາວຜູ້ອອກແຮງງານ, ຄວາມສະເໜີພາບຍິງຊາຍ, ການອະນຸລັກສິ່ງແວດລ້ອມ, ການປັກປັກຮັກສານ້ຳ, ການຍົກຍ້າຍຖິ່ນຖານ ແລະ ອື່ນໆ. ກອງປະຊຸມຄັ້ງຕໍ່ໄປຈະໄດ້ຈັດຂຶ້ນທີ່ ສະຫະພັນຣັດເຊຍ ໃນປີ 2017 ໃນໂອກາດສະຫຼອງ 100 ປີ ຂອງມະຫາປະຕິວັດ ຕຸລາ,ໂດຍແມ່ນພັກກອມມູນິດສະຫະພັນ ຣັດເຊຍ ຈະເປັນເຈົ້າພາບ.
   ນອກຈາກເຂົ້າຮ່ວມການພົບປະແລ້ວ, ຫົວໜ້າຄະນະຜູ້ແທນເຮົາ ຍັງໄດ້ຮ່ວມກັບຫົວໜ້າຄະນະຜູ້ແທນຕ່າງປະເທດເຂົ້າຢ້ຽມຂຳນັບ ສະຫາຍ ຫວງຽນ ຟູ້ຈ່ອງ, ເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດຫວຽດນາມ; ພົບປະກັບ ສະຫາຍ ຮ່ວງ ບິງກວນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ; ພ້ອມນີ້ຍັງໄດ້ພົບປະກັບ ຄະນະຜູ້ແທນພັກແຮງງານ ສປປ ເກົາຫລີ; ພັກກອມມູນິດເບລາຣຸດ; ພັກກອມມູນິດອູກະຣາອິນ;ພັກກອມມູນິດສະ ຫະພັນຣັດເຊຍ ແລະ ບັນພັກໃນຂົງເຂດຕາເວັນອອກກາງ ແລະ ບາງພັກທີ່ມາຈາກທະວີບຕ່າງໆຂອງໂລກ; ໄດ້ໃຫ້ສຳພາດຕໍ່ສື່ຫວຽດນາມກ່ຽວກັບການພົບປະດັ່ງກ່າວ.

party x

ສະຖິຕິຜູ້ເຂົ້າຊົມ

152200
Today273
Yesterday288
This_Week818
This_Month6532
All_Days152200